Búgin Úkimet otyrysynda Qarjy ministri Baqyt Sultanov Bilim jáne ǵylym ministrliginiń tyń jobalaryn memleket biýdjeti esebinen qarjylandyrý qiynǵa soǵatyndyǵyn málimdedi, dep habarlaidy "Ult aqparat" Baq.kz portalyna silteme jasap.
«Qoldanystaǵy aqparattyq júielerdi bir retke keltirý qajet. Biz ony quptaimyz. Respýblikalyq biýdjet komissiiasynda Bilim jáne ǵylym ministrliginiń biýdjeti talqylanǵan bolatyn. 61 mln teńge osyndai tehnikalyq jáne ekonomikalyq qujattamany ázirleý úshin qajet boldy. QR Ulttyq ekonomika ministrliginde osy baǵdarlamany júzege asyrýǵa tiisti qarajat bar. Qarjyny tezirek bólý qajet», - dedi ol.
Alaida Baqyt Sultanov Bilim ministrliginiń qolǵa alǵan jańa bastamalaryn aldaǵy ýaqytta memleket biýdjeti esebinen qarjylandyrý qiynǵa soǵatynyn alǵa tartty.
«Degenmen aita ketetin bir másele bar. Biraz bastama kóterilip jatyr. Mysaly, mektepterde balalar úshin jeke shkaftar qoiý, sýmen jabdyqtaý jáne aqparattyq júieni bir retke keltirý. Bastamalardyń árqaisysyn qarjylandyra bersek, bul qymbatqa soǵady. Máselen, aldyńǵy júiege 36 mlrd teńge bólingen bolatyn. Sol sebepti bolashaqta jańa tásilderge kóshýimiz kerek», - dedi vedomstvo basshysy.
Ministrdiń aitýynsha, bul baǵdarlamalardy qarjylandyrý úshin jańa tásilder qajet.
«Aldaǵy ýaqytta jan basyna shaqqandaǵy qarjylandyrý týraly oilaný kerek. Elbasy muny biylǵy Joldaýynda aitqan bolatyn. Bul memlekettik-jekemenshik áriptestikke kóshýge negiz bolady. Sonda osyndai printsipterdi, talaptardy bir júiege keltiremiz. Osy qarjylandyrý ádisi utymdy jumys isteitin bolsa, memlekettik-jekemenshik áriptestiktiń tiimdiligi arta túsedi», - dep túiindedi sózin Baqyt Sultanov.
