فوتو: پرەمەر-مينيستردٸڭ باسپاسٶز قىزمەتٸ
اتىراۋ وبلىسىندا جايىق ٶزەنٸنٸڭ سۋ دەڭگەيٸنە مونيتورينگ جٷرگٸزٸلٸپ جاتىر, سونىمەن قاتار سۋ تاسقىنى جاعدايىن تيٸمدٸرەك باقىلاۋ ٷشٸن دروندار قولدانىلۋدا, دەپ حابارلادى تٶتەنشە جاعدايلار مينيسترلٸگٸنٸڭ رەسمي سايتى.
جاعانى نىعايتۋ جۇمىستارى دا جٷرگٸزٸلۋدە – مەسەلەن, بٸر كٷندە 70 ٷيدەن سۋ بۇرىلىپ, سورىلىپ, ەكٸ جٷز مىڭنان استام قاپ تٶسەلدٸ.
سوڭعى رەسمي مەلٸمەتكە سەيكەس, رەسپۋبليكا بويىنشا 43 015 ادام ٷيٸنە ورالدى. 6 338 ادام ەۆاكۋاتسييالاۋ پۋنكتتەرٸندە قالدى. سولتٷستٸك قازاقستان, اتىراۋ جەنە اقتٶبە وبلىستارىنداعى 7710 تۇرعىن ٷي مەن 2844 اۋلا اۋماقتارىنان سۋ بۇرىلىپ, سورىلدى.
اپاتتى-قۇتقارۋ جەنە سۋ تاسقىنىنا قارسى جۇمىستارعا 14 مىڭنان استام ادام مەن 1529 تەحنيكا, 226 سۋ سورعىش جەنە 100 جٷزۋ قۇرالدارى, 6 ۇشاق جۇمىلدىرىلعان.
شىعىس قازاقستان وبلىسىندا نٶسەر جاۋىن جاۋىپ, وسى سەبەپتٸ بۇقتىرما جەنە كٸشٸ ٷلبٸ ٶزەندەرٸندە سۋ دەڭگەيٸنٸڭ جوعارىلاۋى بايقالدى.
التاي جەنە گلۋبوكوۆسكيي ايماقتارىنا تٶتەنشە جاعدايلار دەپارتامەنتٸ, تجم 68303 ەسكەري بٶلٸمٸ جەنە اپاتتى مەديتسيناسى ورتالىعىنىڭ كٷشتەرٸ مەن قۇرالدارىنىڭ توبى جٸبەرٸلدٸ. ەۋەدەن شولۋ بويىنشا رەيستەر ورىندالىپ جاتىر.
