قر تجم ٶكٸلٸ اسقار شەرٸپ سۋ تاسقىنىنا بايلانىستى قازٸرگٸ جاعدايدى باياندادى دەپ حابارلايدى "ۇلت اقپارات".
اسقار شەرٸپتٸڭ سۋ تاسقىنى جاعدايى تۋرالى ساعات 16:00-دەگٸ بەرگەن اقپاراتى بويىنشا ازاماتتىق قورعاۋ قىزمەتتەرٸ, ۆولونتەرلەر جەنە تارتىلعان ۇيىمدار اتىراۋ, اقتٶبە, باتىس قازاقستان, سولتٷستٸك قازاقستان وبلىستارىندا سۋ تاسقىنىن جويۋ جەنە حالىققا كٶمەك كٶرسەتۋ بويىنشا جۇمىستاردى جالعاستىرۋدا.
باتىس قازاقستان وبلىسىندا جايىق ٶزەنٸندە سۋ دەڭگەيٸنٸڭ كٶتەرٸلۋٸ ساقتالۋدا. جۇمىلدىرىلعان كٷشتەر مەن قۇرالدار قاپشىقتاردى تٶسەۋ, قورعاۋ بٶگەتتەرٸن سالۋ جەنە سۋ باسقان اۋماقتان سۋ سورۋ جۇمىستارىن جالعاستىرۋدا. بارلىق كەزەك كٷتتٸرمەيتٸن شارالار قابىلدانۋدا.
اتىراۋ وبلىسىندا جىلىوي اۋدانىنىڭ قۇلسارى قالاسىندا سۋ باسقان ٷيلەر مەن اۋماقتاردان سۋدى سورۋ جەنە سۋدىڭ باعىتىن بۇرۋ, جايىق ٶزەنٸ بويىندا جاعالاۋدى بەكٸتۋ جۇمىستارى جالعاستىرىلۋدا.
سولتٷستٸك قازاقستان وبلىسىندا سۋ تاسقىنى جاعدايى تۇراقتى كٷردەلٸ. سۋ باسقان ٷيلەر مەن اۋماقتاردان سۋدى سورۋ جۇمىستارى, ەسٸل ٶزەنٸندەگٸ سۋدىڭ دەڭگەيٸنە مونيتورينگ جالعاسۋدا.
رەسپۋبليكا بويىنشا 26 785 ادام ٶز ٷيلەرٸنە ورالدى. 8 795 ادام, ونىڭ ٸشٸندە 3 828 بالا ەۆاكۋاتسييالاۋ پۋنكتتەرٸندە. 4 708 تۇرعىن ٷي مەن 2 774 اۋلا اۋماعىنان سۋدىڭ باعىتى بۇرىلىپ, سۋ سورىلدى.
