QR TJM ókili Asqar Shárip Sý tasqynyna bailanysty qazirgi jaǵdaidy baiandady dep habarlaidy "Ult Aqparat".
Asqar Sháriptiń sý tasqyny jaǵdaiy týraly saǵat 16:00-degi bergen aqparaty boiynsha azamattyq qorǵaý qyzmetteri, volonterler jáne tartylǵan uiymdar Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyn joiý jáne halyqqa kómek kórsetý boiynsha jumystardy jalǵastyrýda.
Batys Qazaqstan oblysynda Jaiyq ózeninde sý deńgeiiniń kóterilýi saqtalýda. Jumyldyrylǵan kúshter men quraldar qapshyqtardy tóseý, qorǵaý bógetterin salý jáne sý basqan aýmaqtan sý sorý jumystaryn jalǵastyrýda. Barlyq kezek kúttirmeitin sharalar qabyldanýda.
Atyraý oblysynda Jylyoi aýdanynyń Qulsary qalasynda sý basqan úiler men aýmaqtardan sýdy sorý jáne sýdyń baǵytyn burý, Jaiyq ózeni boiynda jaǵalaýdy bekitý jumystary jalǵastyrylýda.
Soltústik Qazaqstan oblysynda sý tasqyny jaǵdaiy turaqty kúrdeli. Sý basqan úiler men aýmaqtardan sýdy sorý jumystary, Esil ózenindegi sýdyń deńgeiine monitoring jalǵasýda.
Respýblika boiynsha 26 785 adam óz úilerine oraldy. 8 795 adam, onyń ishinde 3 828 bala evakýatsiialaý pýnktterinde. 4 708 turǵyn úi men 2 774 aýla aýmaǵynan sýdyń baǵyty burylyp, sý soryldy.
