قازاقستاندا سۋ شارۋاشىلىعىن رەفورمالاۋ جوسپارلانۋدا. بۇل تۋرالى قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرگەي گروموۆ قر جەمقورلىققا قارسى ٸس-قيمىل اگەنتتٸگٸنٸڭ سايتىندا ٶتكەن ونلاين سۇحباتتا ايتتى, دەپ حابارلايدى قازاقپارات.
«بٸز قازٸر مەملەكەت باسشىسىنىڭ بيىل 24 قاڭتارداعى ٷكٸمەت وتىرىسىندا بەرگەن تاپسىرماسى بويىنشا جۇمىس ٸستەپ جاتىرمىز. ول تاپسىرما 2020-2030 جىلدار ارالىعىندا سۋ شارۋاشىلىعىن رەفورمالاۋ باعدارلاماسى تۋرالى بولدى. ەرينە, بٸز سۋ رەسۋرستارىن ساقتاپ قالۋعا, ونى قورعاۋعا كٶپ كٶڭٸل بٶلەمٸز. ۇرپاعىمىزعا ساپاسى دا كٶلەمٸ دا جاقسى سۋ قالدىرۋىمىز كەرەك. ول ٷشٸن نە ٸستەۋ كەرەك? بٸز ەلەمدٸك تەجٸريبەنٸ زەرتتەدٸك. 20-30 جىل بۇرىن بٸزدٸڭ ەلدە 115 ميلليون تەكشە مەترگە جۋىق سۋاعار بولعان.
بٷگٸندە ول 100 ميلليون تەكشە مەتر عانا. گەوگرافييا ينستيتۋتىنىڭ عالىمدارىمەن بٸرٸگٸپ ەسەپتەپ كٶرسەك, حالىق سانى ٶسە بەرسە 2030-2040 جىلدارعا قاراي ونىڭ كٶلەمٸ 60-70 ميلليون تەكشە مەترگە جەتۋٸ مٷمكٸن. وعان جول بەرمەس ٷشٸن نە ٸستەۋ كەرەك? ەڭ الدىمەن سۋ ٷنەمدەيتٸن تەحنولوگييالاردى قولدانۋىمىز كەرەك. ٶندٸرٸس ورىندارىندا سۋدى تازالاپ, قايتا قولدانۋ قاجەت», - دەيدٸ قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ سەرگەي گروموۆ.
ونىڭ ايتۋىنشا, قازٸرگٸ ۋاقىتتا ٶزبەكستاندا كٷرٸش ٶسٸرۋدەن باس تارتىپ جاتسا, بٸزدٸڭ ەلدە كٷرٸش ٶسٸرۋدٸ جالعاستىرۋدا.
«قازٸرگٸ ۋاقىتتا كٷرٸشتٸڭ ورنىنا قانت قىزىلشاسىن ٶسٸرۋ تيٸمدٸرەك. سونداي-اق, قازاقستاندا تۇتىناتىن سۋ باعاسى ايتارلىقتاي ارزانداتىلعان. اتالعان باعدارلامادا سۋدى ٷنەمدەۋگە ٷيرەتۋ ٷشٸن سۋ نارىعىن قۇرۋ كٶزدەلگەن. بۇل سونىڭ ٸشٸندە اۋىل شارۋاشىلىعى ٶنٸمدەرٸن شىعارۋشىلارعا قاتىستى», – دەيدٸ سەرگەي گروموۆ.
