الماتى قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قاشقىن بانكير مۇحتار ەبٸليازوۆ پەن ونىڭ سىبايلاستارىنا قاتىستى قىلمىستىق ٸستٸ قاراۋ ودان ەرٸ جالعاسۋدا. سوتتىڭ بٷگٸنگٸ وتىرىسىندا مەسكەۋ وبلىسىنان جەر تەلٸمٸن ساتىپ الۋ دەگەن جەلەۋمەن مۇحتار ەبٸليازوۆتٸڭ وففشورلىق كومپانيياسىنا بٸرنەشە ميللياردتاعان نەسيە بەرۋ وقيعاسى قارالدى. بۇل ەپيزود تا باسقالارعا ۇقساس: تەرگەۋدٸڭ مەلٸمەتتەرٸ بويىنشا نەسيەگە بەرٸلگەن اقشا بانككە قايتارىلماعان, مۇحتار ەبٸليازوۆ ۇرلاعان ميللياردتارىن ٶزٸنٸڭ جەكە قاجەتتٸلٸكتەرٸنە جۇمساعان.
بتا بانكتٸڭ ٶكٸلٸ تەمٸرلان نىعمەتوۆتٸڭ ايتۋىنا قاراعاندا, 2008 جىلى ەبٸليازوۆتٸڭ نۇسقاۋى بويىنشا «بٸر كٷندٸك» ماقسات ٷشٸن «Bervich Holding Sarl» كومپانيياسى قۇرىلادى. اتاپ ايتارلىعى, رەزيدەنت بولىپ تابىلمايتىن مۇنداي «بٸر كٷندٸك» كومپانييالاردىڭ زاڭدى مەكەن-جايى رەتٸندە بريتان ۆيرگين ارالدارى كٶرسەتٸلٸپ وتىرعان. تەرگەۋ نەتيجەسٸندە مەلٸم بولعانىنداي, بۇل وففشورلىق كومپانييانىڭ قۇجاتتارىن دا مۇحتار ەبٸليازوۆ تٸكەلەي باقىلاۋىندا ۇستاعان № 6 كورپوراتيۆتٸك بيزنەس باسقارماسىنىڭ قىزمەتكەرلەرٸ دايىنداپتى.
ارادا بٸراز ۋاقىت ٶتكەننەن كەيٸن, بتا بانكتٸڭ نەسيە كوميتەتٸ «Bervich Holding Sarl» كومپانيياسىنىڭ نەسيەلٸك ٶتٸمٸن ەشقانداي كەدەرگٸسٸز ماقۇلدايدى. نەسيەنٸڭ ماقساتى رەتٸندە رەسەي فەدەراتسيياسىنىڭ مەسكەۋ وبلىسىنداعى مىتيششين اۋدانىنداعى كوتتەدجدەر قالاشىعىن سالۋدى قارجىلاندىرۋ دەپ كٶرسەتٸلەدٸ. وعان جوسپارلانعان اقشانىڭ كٶلەمٸ 250 ميلليون اقش دوللارىن قۇراعان.
ەدەتتەگٸدەي, نەسيە كوميتەتٸنٸڭ مٷشەلەرٸ بۇل جولى دا بانكتەن قارىز الۋشىنىڭ كەپٸلگە قوياتىن مٷلكٸ, نەسيەلٸك تاريحى بولماعانىنا كٶز جۇما قاراعانى مەلٸم بولدى. تٸپتٸ, اتالعان كومپانييانىڭ نەسيەلەۋ سالاسىندا ەشقانداي تەجٸريبەسٸ بولماعانى دا ەشكٸمدٸ ويلاندىرماعان. بۇعان قوسا, ۆيرگين ارالدارىندا ورنالاسقان كومپانييا مەسكەۋ ماڭىنداعى كوتتەدجدەر قالاشىعىن قارجىلاندىرادى دەگەننٸڭ ٶزٸ اقىلعا سىيمايدى. الايدا, ايقىن نەرسەلەرگە قاراماستان نەسيەلٸك ٶتٸنٸم بٸردەن ماقۇلدانعان.
سوتتا پروكۋرورلار وقىعان كۋەگەرلەردٸڭ سٶزٸنەن مەلٸم بولعانىنداي, بانكتٸڭ نەسيەلٸك بٶلٸمٸنە تٸكەلەي ەبٸليازوۆتٸڭ ٶزٸ باقىلاۋ جاساعان. سول سەبەپتەن, «Bervich Holding Sarl» كومپانيياسىنا ميلليونداعان نەسيەلەردٸ بەرەردە بانك قىزمەتكەرلەرٸ ەشتەڭەگە باسىن قاتىرماعان. سونىمەن قاتار, نەسيە كوميتەتٸنٸڭ مٷشەلەرٸنٸڭ ەشقايسىسى قارىز الۋشىنىڭ ٶكٸلٸ رەتٸندە كٶرسەتٸلگەن ليۋكسەمبۋرگتەگٸ ەلدەبٸر Manacor اتتى مىرزامەن بايلانىس ورناتپاعان. تەرگەۋدٸڭ بولجامىنشا, مۇنداي ادام ٶمٸردە جوق.
تەمٸرلان نىعمەتوۆ سوت وتىرىسىندا حابارلاعانداي, نەسيەنٸ ماقۇلداۋعا قاتىستى فورمالدى تٷردەگٸ ٸس-شارالار جٷزەگە اسىرىلعان سوڭ, «Bervich Holding Sarl» كومپانيياسىنىڭ شوتىنا بٸرنەشە ترانشپەن شامامەن 230 ميلليون اقش دوللارىنا جۋىق قاراجات اۋدارىلادى. كٶپ ۇزاماي وففشورلىق كومپانييانىڭ شوتىنا تٷسكەن قارجىنى مۇحتار ەبٸليازوۆ قولما-قول اقشاعا اينالدىرىپ, ٶزٸنٸڭ جەكە باسىنىڭ قاجەتتٸلٸكتەرٸنە جۇمسايدى.
تۋرا وسىعان ۇقساس كەستەمەن مۇحتار ەبٸليازوۆ «Highbond Associated LTD» وففشورلىق كومپانيياسىنا دا نەسيە بەرۋ ارقىلى بتا بانكتەن تاعى دا 110 ميلليوننان استام اقش دوللارىن جىمقىرىپتى. بۇعان دەيٸنگٸ ەپيزودتان بٸر عانا ايىرماشىلىعى, بۇل جولى نەسيەنٸڭ ماقساتى رەسەي فەدەراتسيياسىنىڭ مەسكەۋ وبلىسىنداعى دومودەدوۆو اۋدانىنان جەر تەلٸمٸن ساتىپ الۋعا «رۋسسكايا نەدۆيجيموست» جاق-ىن قارجىلاندىرۋعا جۇمسالادى دەپ كٶرسەتٸلگەن. باسقاشا سٶبەن ايتساق, بتا بانكتٸڭ قىزمەتكەرلەرٸ ٶتٸنٸمدەردٸ رەسٸمدەگەن كەزدە جەر ۋچاسكەلەرٸنٸڭ ورنالاسقان جەرٸ مەن قارىز اقشانىڭ سوماسىن عانا ٶزگەرتٸپ وتىرعان.
اۆتورى: شولپان ورازبەكوۆا
