فوتو: مەجٸلٸس
بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات نارتاي سەرسەنعاليەۆ ەسكەردەگٸ ساربازداردىڭ تٷرلٸ دەنە جاراقاتىن الىپ, تٸپتٸ كەيبٸرەۋٸ قايتىس بولىپ جاتقانى تۋرالى مەسەلە كٶتەردٸ, دەپ حابارلايدى "ۇلت اقپارات".
دەپۋتاتتىڭ ايتۋىنشا, ەسكەردەگٸ قىلمىستىڭ سالدارىنان كٶپتەگەن اتا-انالار ٶز بالالارىن ەسكەري بورىشىن ٶتەۋگە جٸبەرۋگە قۇلىقسىز.
"مەسەلەن, سوڭعى ٷش جىلدا قازاقستاندا 270 ەسكەري قىزمەتكەر قايتىس بولعان, ال سوڭعى تٶرت جىلدا ەسكەردە 86 سۋيتسيد تٸركەلگەن, 20 ەسكەري ادام ٶز-ٶزٸنە قول سالۋعا وقتالعان. بۇل – ەسكەري پروكۋراتۋرا مەلٸمدەگەن رەسمي سان. 2023 جىلعى تامىزدا ەسكەري بٶلٸمشەلەردٸڭ بٸرٸندە كوماندير ەسكەرگە جاڭادان كەلگەن ساربازدى ورىندىقپەن ۇرىپ, سوققىعا جىققان. 2024 جىلدىڭ ماۋسىم ايىندا جامبىل وبلىسىنىڭ بٸر ەسكەري بٶلٸمشەسٸندە ەسكەرگە كەلگەنٸنە بٸر-اق اي بولعان سارباز ەس-تٷسسٸز جانساقتاۋ بٶلٸمٸنە تٷسكەن", - دەيدٸ نارتاي سەرسەنعاليەۆ.
سونىمەن قاتار دەپۋتات ەسكەردە جٷرٸپ, باسىنان جاراقات الىپ, 5 اي بويى ەس-تٷسسٸز جاتقان ۇلتتىق ۇلاننىڭ جاۋىنگەرٸ ەربايان مۇحتاردىڭ جەنە اقتاۋ گورنيزونىندا قايتىس بولعان مارات بارقۇلوۆتىڭ جاعدايىن سٶز ەتتٸ.
"جاۋاپتىلار جاۋاپكەرشٸلٸكتەن جالتارىپ, «ەربايان دەرەتحاناعا قۇلاپ, جاراقاتتاندى» دەيدٸ. بۇعان كٸم سەنەدٸ? جاراقاتتىڭ سالدارىنان ساربازدىڭ باسىنىڭ جارتىسىن الىپ تاستاۋعا تۋرا كەلگەن. ەندٸ وعان تۇراقتى كٷتٸم قاجەت. 7 قىركٷيەك كٷنٸ اقتاۋداعى گورنيزوندا سارباز مارات بارقۇلوۆ ەسٸمدٸ باۋىرىمىز كٶز جۇمدى. ونى وفيتسەر اتىپ تاستاعان. بۇل قاساقانا جاسالعان ەرەكەت پە, جوق پا? اتالعان سۇراقتىڭ جاۋابىن تەرگەۋ ورىندارى ەدٸل زەرتتەپ, نەتيجەسٸن قوعامعا اشىق تٷردە جەتكٸزۋٸ كەرەك", - دەيدٸ ول.
مەجٸلٸسمەن "ەسكەري بٶلٸمدەردە 50 مىڭنان استام بەينەكامەرا بار" دەپ مەلٸمدەگەن قورعانىس مينيسترلٸگٸنٸڭ سٶزٸن ەسكە الىپ, ونداعى جازبالار قايدا ەكەنٸن سۇرادى.
"ەلدە ەربايان سەكٸلدٸ باۋىرلارىمىز جاراقات العاندا ەلگٸ كامەرالار تەرٸس قاراپ قالدى ما?" - دەدٸ ن. سەرسەنعاليەۆ.
ەسكەردەگٸ ەلٸمجەتتٸك مەسەلەسٸن امانات پارتيياسى 2022 جىلى كٶتەرگەن, الايدا جاعداي تٷزەلمەك تٷگٸلٸ, ۋشىعىپ, ساربازداردىڭ ەسكەردە جاراقات الىپ, قايتىس بولۋى جالعاسىپ جاتىر دەيدٸ دەپۋتات.
"وسى تۇستا تاعى بٸر تٷيتكٸل بار, ەسكەري قىزمەتكەرلەردٸڭ ەلەۋمەتتٸك جاعدايى تٶمەن. ولاردىڭ ايلىعى شايلىعىنا جەتپەيتٸنٸ, ەلەۋمەتتٸك جاعدايلارىنىڭ تٶمەن ەكەنٸ ەمبەگە ايان. بۇل جاعدايدى تٷزەتۋ دە كەزەك كٷتتٸرمەيتٸن مەسەلە", - دەپ وتىر دەپۋتات سەرسەنعاليەۆ.
مەجٸلٸس دەپۋتاتى قازاقستان رەسپۋبليكاسىنىڭ قورعانىس مينيسترٸ رۋسلان جاقسىلىقوۆقا جولداعان ساۋالىندا كەلەسٸ شارالاردى قولعا الۋدى ۇسىندى:
1. ەلٸمٸزدٸڭ ارميياسىنداعى اتالعان كەلەڭسٸزدٸكتٸ تىيۋ جەنە ونىڭ الدىن الۋ بويىنشا ناقتى شارالار قابىلداۋ.
2. ەسكەريلەردٸڭ ەلەۋمەتتٸك جاعدايىن جاقسارتۋعا باعىتتالعان
ٸس-ەرەكەتتەردٸ كٷشەيتۋ.
