سوڭعى ەكٸ جىلداعى ەكٸ ٸرٸ ٶرتتەن كەلگەن زالالداردىڭ سوماسى 182 ميلليارد تەڭگەنٸ قۇراعان جەنە 100 مىڭ گەكتاردان استام ورمان جويىلدى. بۇل تۋرالى بٷگٸن پارلامەنت مەجٸلٸسٸندە ٶتكەن ٷكٸمەت ساعاتىندا دەپۋتات ەدٸل جاڭبىرشين ايتتى, دەپ حابارلايدى "ۇلت اقپارات".
«ورماندى قالپىنا كەلتٸرۋگە كەمٸ شامامەن 20-30 جىلداي ۋاقىت كەتەدٸ. ال, وسى ٸس-شارالارعا ٸرٸلەندٸرٸلگەن ەسەپتەۋلەر بويىنشا 150,9 ميلليارد تەڭگە قاجەت بولادى. ياعني جالپى شىعىن شامامەن 384 ميلليارد تەڭگەنٸ قۇراپ وتىر.
«ساراڭ ەكٸ تٶلەيدٸ» دەگەن سٶز بار. جالپى شىعىن قاجەتتٸ سومادان بەس جارىم ەسە اسىپ تۇر. ٷكٸمەت قاجەتتٸ سومانى تەز ارادا شەشٸپ, بٷكٸل ماتەريالدىق-تەحنيكالىق بازانى رەتتەپ العانى تيٸمدٸ ەمەس پە? بۇل مەملەكەت ٷشٸن دە, تابيعات ٷشٸن دە پايدالى بولاتىنى ايتپاسادا تٷسٸنٸكتٸ», - دەيدٸ ەدٸل جاڭبىرشين.
ال, ازاماتتىق قورعاۋ سالاسىنداعى بٸرٸنشٸ كەزەكتەگٸ شارالاردىڭ 2023-2027 جىلدارعا ارنالعان كەشەندٸ جوسپارىنا سەيكەس رەسپۋبليكانىڭ بارلىق ورمان شارۋاشىلىقتارىن ماتەريالدىق-تەحنيكالىق جاعىنان قامتاماسىز ەتۋ ٷشٸن 68 ميلليارد تەڭگە قاجەت ەكەن.
دەپۋتات ورمان شارۋاشىلىعى كوميتەتٸنٸڭ جۇمىسى كٶڭٸل كٶنشٸتپەيتٸنٸن ايتىپ وتىر.
«سوڭعى ەكٸ جىلدا تابيعاتتى قورعاۋ مەكەمەلەرٸنٸڭ وبەكتٸلەرٸندە 80-نەن استام تەكسەرۋ جوسپارلانعانىمەن, تەك بٸر عانا تەكسەرۋ بولعان. باسقاشا ايتقاندا, كوميتەت رەسپۋبليكا ٶڭٸرلەرٸندەگٸ ناقتى احۋالدان جەنە ناقتى مەسەلەلەردەن حابارسىز دەۋگە بولادى. بۇل كەشەندٸ تەكسەرۋ جوسپارلارىن جاساۋ كەزٸندە كوميتەت باسشىلىعىنىڭ ٶزەكتٸ ەرٸ ماڭىزدى مەسەلەلەردٸ ەسكەرمەيتٸنٸن جەنە وسى سالادا قالىپتاسقان جاعدايدان بەيحابار ەكەنٸن كٶرسەتٸپ وتىر», - دەيدٸ ە. جاڭبىرشين.
دەپۋتات ٶز سٶزٸندە ورمان شارۋاشىلىقتارىن ماتەريالدىق-تەحنيكالىق جاعىنان قامتاماسىز ەتۋ ەلٸ دە ٶزەكتٸ بولىپ وتىرعانىن ايتتى.
«ٶتكەن جىلى اباي وبلىسىندا بولعان ٶرتتٸڭ تالداۋى كٶرسەتكەندەي, ارنايى تەحنيكالار ٶرت ورنىنا جەتە المادى. ٶيتكەنٸ تەحنيكا پاركٸ ٶتكەن عاسىردىڭ 70-80 جىلدارى شىعارىلعان كٶلٸكتەردەن قۇرالعان, ماتەريالدىق-تەحنيكالىق بازا ٸشٸنارا بولسا دا جاڭارتىلماعان. وسىنىڭ سالدارىنان 2023 جىلى ورىن العان ٶرتتٸ دەر كەزٸندە اۋىزدىقتاۋعا قورىق دايىن بولماي شىقتى. پروكۋراتۋرانىڭ مەلٸمەتٸ بويىنشا شىعىس قازاقستان وبلىسىنىڭ ورمان شارۋاشىلىقتارىن جابدىقتاۋ 40% دەڭگەيٸندە. قازٸرگٸ تاڭدا 6,8 ميلليارد تەڭگە قاجەت ەتەتٸن 2260 ٶرت سٶندٸرۋگە ارنالعان تەحنيكا مەن جابدىقتار قاجەت, 44 ٶرت سٶندٸرۋ بەكەتٸنٸڭ 5-ۋٸ تەحنيكانىڭ بۇزىلۋىنا بايلانىستى جۇمىس جاسامايدى», -دەيدٸ دەپۋتات.
