سولتٷستٸك كورەيا ليدەرٸ كيم چەن ىن "سترەستٸ ازايتۋ ٷشٸن" ٶز ٶكٸلەتٸنٸڭ بٸر بٶلٸگٸن كٶمەكشٸسٸ, قارىنداسى كيم يو چجونعا بەردٸ. بۇل تۋرالى وڭتٷستٸك كورەيا بارلاۋ قىزمەتٸنە سٸلتەمە جاساعان Asia.nikkei سايتى حابارلادى, دەپ جازادى ازاتتىق.
وڭتٷستٸك كورەيا بارلاۋ قىزمەتٸنٸڭ مەلٸمەتٸنشە, سولتٷستٸك كورەيادا كيم چەن ىن "ابسوليۋتتٸ بيلٸكتٸ ەلٸ يەلەنٸپ وتىرادى", بٸراق اقىرىنداپ ٶكٸلەتٸن قارىنداسىنا تاپسىرا باستايدى.
"يو چجون – ٸس جٷزٸندە ەلدەگٸ نٶمەرٸ ەكٸنشٸ ادام, بٸراق ليدەردٸڭ ٸزباسارى ەلٸ تاڭدالعان جوق" دەيدٸ بارلاۋ قىزمەتٸنٸڭ ٶكٸلٸ.
بيىل كٶكتەمدە كيم چەن ىن جۇرت كٶزٸنەن تاسا بولعان. 15 سەۋٸردە ول اتاسى, سولتٷستٸك كورەيانىڭ نەگٸزٸن قالاۋدى دەپ ەسپەتتەلەتٸن كيم ير سەننٸڭ تۋعان كٷنٸنە وراي ۇيىمداستىرىلعان مەرەكەگە كەلمەگەن. باق كيم چەن ىننىڭ جٷرەگٸنە وپەراتسييا جاسالعانىن جازعان. ول جۇرت الدىنا 2 مامىردا شىققان.
كەيبٸر دەرەكتەرگە ساي, 32 جاستاعى كيم يو چجون اعاسىمەن بٸرگە شۆەيتسارييادا وقىعان. كەيٸن ەلٸنە ورالىپ, كيم ير سەن اتىنداعى ەسكەري ۋنيۆەرسيتەتتٸ تەمامداعان.
كيم يو چجون – ەلدەگٸ ەڭ ىقپالدى ادامداردىڭ بٸرٸ جەنە كيم چەن ىننىڭ ٸزباسارى بولۋى مٷمكٸن شەنەۋنٸكتەردٸڭ قاتارىندا. ول اعاسىمەن بٸرگە جۇرت الدىنا جيٸ شىعادى. 2018 جىلى وڭتٷستٸك كورەيادا ٶتكەن قىسقى وليمپيادادا سولتٷستٸك كورەيا دەلەگاتسيياسىنىڭ قۇرامىنا كٸنگەن. سول كەزدە كيم يو چجون وڭتٷستٸك كورەيا پرەزيدەنتٸ مۋن چجە ينمەن كەزدەسكەن.
قازٸر ول ەلدە پروپاگاندا كۋراتورى سانالادى.
