Soltústik Koreia lideri Kim Chen Yn "stresti azaitý úshin" óz ókiletiniń bir bóligin kómekshisi, qaryndasy Kim Io Chjonǵa berdi. Bul týraly Ońtústik Koreia barlaý qyzmetine silteme jasaǵan Asia.nikkei saity habarlady, dep jazady Azattyq.
Ońtústik Koreia barlaý qyzmetiniń málimetinshe, Soltústik Koreiada Kim Chen Yn "absoliýtti bilikti áli ielenip otyrady", biraq aqyryndap ókiletin qaryndasyna tapsyra bastaidy.
"Io Chjon – is júzinde eldegi nómeri ekinshi adam, biraq liderdiń izbasary áli tańdalǵan joq" deidi barlaý qyzmetiniń ókili.
Biyl kóktemde Kim Chen Yn jurt kózinen tasa bolǵan. 15 sáýirde ol atasy, Soltústik Koreianyń negizin qalaýdy dep áspetteletin Kim Ir Senniń týǵan kúnine orai uiymdastyrylǵan merekege kelmegen. BAQ Kim Chen Ynnyń júregine operatsiia jasalǵanyn jazǵan. Ol jurt aldyna 2 mamyrda shyqqan.
Keibir derekterge sai, 32 jastaǵy Kim Io Chjon aǵasymen birge Shveitsariiada oqyǵan. Keiin eline oralyp, Kim Ir Sen atyndaǵy áskeri ýniversitetti támamdaǵan.
Kim Io Chjon – eldegi eń yqpaldy adamdardyń biri jáne Kim Chen Ynnyń izbasary bolýy múmkin sheneýnikterdiń qatarynda. Ol aǵasymen birge jurt aldyna jii shyǵady. 2018 jyly Ońtústik Koreiada ótken qysqy olimpiadada Soltústik Koreia delegatsiiasynyń quramyna kingen. Sol kezde Kim Io Chjon Ońtústik Koreia prezidenti Mýn Chje Inmen kezdesken.
Qazir ol elde propaganda kýratory sanalady.
