سولتٷستٸك كورەيا توكيودا ٶتەتٸن جازعى وليمپيادا ويىندارىنا قاتىسپايدى. بۇل تۋرالى "رەنحاپ" اگەنتتٸگٸنە سٸلتەگەن "ينتەرفاكس" حابارلادى.
وليمپياداعا قاتىسپاۋ تۋرالى شەشٸم 25 ناۋرىزدا پحەنياندا ٶتكەن سولتٷستٸك كورەيانىڭ وليمپيادا كوميتەتٸنٸڭ باس اسسامبلەياسىنىڭ وتىرىسىندا قابىلدانعان.
"كورەيا حالىقتىق-دەموكراتييالىق رەسپۋبليكاسى سپورتشىلارىن كوروناۆيرۋسپەن بايلانىستى عالامدىق داعدارىستان قورعاۋ ماقساتىندا 32-وليمپيادا ويىندارىنا قاتىسپاۋ تۋرالى شەشٸم قابىلدادى" دەپ اگەنتتٸك ەلدەگٸ سپورت پورتالىنداعى اقپاراتتان ٷزٸندٸ كەلتٸرەدٸ.
وليمپيادا جەنە پاراليمپيادا ويىندارى بىلتىر جازدا توكيودا ٶتۋٸ تيٸس بولعان, الايدا كوروناۆيرۋس ٸندەتٸنە بايلانىستى 2021 جىلعا شەگەرٸلگەن ەدٸ. بيىل وليمپيادا – 23 شٸلدە مەن 8 تامىز ارالىعىندا, پاراليمپيادا 24 تامىز بەن 5 قىركٷيەك ارالىعىندا ٶتەدٸ.
AP اگەنتتٸگٸنٸڭ جازۋىنشا, وڭتٷستٸك كورەيا بيلٸگٸ توكيو وليمپياداسى ەكٸ ەل اراسىنداعى قارىم-قاتىناستى جاقسارتۋ مٷمكٸندٸگٸ بولاتىن دەپ مەلٸمدەپ, كٶرشٸ ەلدٸڭ مۇنداي شەشٸم قابىلداعانىنا ٶكٸنٸش بٸلدٸردٸ. ەكٸ كورەيا اراسىنداعى جاعداي ۆاشينگتون مەن پحەنيان اراسىنداعى يادرولىق كەلٸسسٶزدەر تىعىرىققا تٸرەلگەن شاقتا ۋشىققان.
سولتٷستٸك كورەيا ٶتكەن ايدا بٸر جىلعى "ٷزٸلٸستەن كەيٸن" قىسقا قاشىقتىققا ۇشاتىن ەكٸ زىمىرانىن سىناپ, ۆاشينگتوننىڭ رەاكتسيياسىن باعامداۋ ماقساتىندا تاعى بٸر مەرتە قارۋىن پاش ەتكەن.
