بەلگٸلٸ ساياساتتانۋشى ماقسات جاقاۋ Facebook-تەگٸ پاراقشاسىندا الماتى شاھارىنداعى كەشەگٸ قاسٸرەتتٸ كٷندەر تۋرالى ھەم سول تۇستا لاڭكەستەر قولىمەن جاسالعان تەرتٸپسٸزدٸكتەرگە قاتىستى ٶز ويىن بٶلٸستٸ. ۇلت پورتالى وسى ٶزەكتٸ جازبانى وقىرمان نازارىنا ۇسىنعاندى جٶن سانادى.
***
سۆوبودا - ەتو نە پراۆو ۆىبورا مەجدۋ دوبروم ي زلوم,
ا پراۆو زاششيتى وت زلا.
يليا شەۆەلەۆ
كەشەگٸ قاڭتار وقيعاسىنىڭ اقىرى لاڭكەستٸك ەرەكەتتەرمەن اياقتالىپ, ەلدٸڭ جٷرەگٸندە بٸراز ۋاقىتقا دەيٸن جاراسىن سالىپ كەتتٸ. قازاقتىڭ بايىرعى سٶزدەرٸنەن - «بٸز نە كٶرمەدٸك, پٸلدٸ دە, زٸلدٸ دە كٶردٸك» دەگەنٸنە, مٸنە, ەندٸ ەلٸمٸزدە لاڭىن سالعان سودىرلاردىڭ وزبىرلىعىن دا كٶرٸپ وتىرمىز.
ۇلتى مەن وتانى جوق بۇل لاڭكەستٸكتٸڭ وبەكتيۆتٸك باعاسىن بەرۋدە ەلٸمٸزدٸڭ ەڭ جوعارعى سوت ٷكٸمٸمەن ٸرٸپ-شٸرٸگەن يدەولوگييانىڭ تامىرىنان قىرقىپ وتىرۋدان باسقا, بۇل نەلەتكە قارسى امالىمىز بار ما? ەرينە بولاشاق ۇرپاعىمىزدىڭ ەرتەڭٸن ويلاساق, ويلاندىرار مەسەلە كٶپ...
سونىمەن, جۋىردا قۇقىق قورعاۋ ورگاندارىنىڭ اتالعان وقيعانىڭ زارداپتارىن سان جٷزٸندە ەسەبٸن ەستٸدٸك. ٶتە اۋىر قابىلدادىق.
ماقۇل, ديماش احمەتۇلى قوناەۆتىڭ كەزٸندە سالىنعان عيماراتتاردىڭ ورنى تولار, دٷكەندەردٸڭ سٶرەلەرٸنٸڭ تاۋارلارى قالپىنا كەلەر. بٸراق بٸر عانا لاڭكەستٸكتٸڭ ەركٸن جٷرٸپ كٶشەلەرٸمٸزدە تايراڭداعانىن كٶز الدىمىزعا ەلەستەتسەك, بۇل سانالى قادامدارعا ەرٸپ كەتكەن جاستاردىڭ, ولاردى وڭاي بۇزاقىلىق پەن توناۋعا ەرٸكسٸز ەموتسييامەن تارتقان ەرەكەتتەرٸن - قوعام بولىپ ۋايىم جەۋٸمٸزدٸ تالاپ ەتەدٸ.
225 شەيٸت بولعان ادامنىڭ ٶمٸرٸ قيىلعان وقيعادا قارۋ قولدانىلدى, كٶلٸك ٶرتەندٸ, ايماقتاردا ەكٸمدٸكتەر بٸرٸنەن سوڭ بٸرٸ باسىپ الىندى.
ەڭ سۇمدىعى, حالىقتىڭ اراسىندا جٷرگەن سودىرلاردى انىقتاپ, بٸرتٸندەپ كٶزدەرٸن جويۋ مٷمكٸندٸگٸنە بارماعىمىزدى تٸستەپ قالدىق. ەيتپەسە, مەملەكەتتٸك نىساندى قورعاعان ساربازدار مەن پوليتسييا سونى بٸلمەيدٸ ەمەس. وق اتسا, بەيبٸت تۇرعىندارعا تيٸپ كەتەدٸ, سونىسىمەن سالى سۋعا كەتٸپ, لاڭكەستەر بيلەپ كەتكەن دٷربەلەڭنٸڭ ناسىرعا شابۋى ورىن الدى. ەتتەڭ, وق اتا الماي, جىلاننىڭ باسىن الا الماي قالدى عوي...
بۇل جەردە اقيقاتىن ايتۋ كەرەك, مىنا قىرىلعان ساندا, نەگٸزٸنەن سول بٸزدٸكٸلەردٸڭ كٶزدەگەن سودىرلارى تۇر. 1347 قارۋدى جەتٸ قارۋ ساتاتىن دٷكەندەردەن يەلەنگەن نەلەتتەردٸڭ ٶتە كەسٸبي دايىندىقپەن كەلگەنٸ بولىپ وتىر.
ولاردىڭ دٷكەن توناعانعا قاتىسۋىن بىلاي قويعاندا, باستى ماقساتتارى بولىپ - قارۋ-جاراعى كٶپ پوليتسييا بٶلٸمدەرٸن, باسقارمالارىن باسىپ الۋ تۇردى. تەك, قۇر سٶز شىعىنداماي, باتىل قاداممەن قايسارلىقپەن قورعاعان پوليتسييالىق كٷشتەردٸڭ (كەي سەتتەردە 5 ساعاتتاپ) قارسىلىعىمەن جٷردٸ. كەيٸن ەستٸگەنٸمٸزشە, مورگتەردەگٸ وسى شابۋىلعا قاتىسقانداردىڭ تەك باستارىنان تەسٸلگەن وقتىڭ ورىندارىن كٶپ بايقالىپتى. جارالى قىلۋ ازدىق, بارىنشا سودىرلاردىڭ كٶزٸن جويۋ دۇرىس. قورقىنىشتى ما, ەرينە ويلاناتىن مەسەلە...
«ۆدۆ سۆويح نە بروساەت» دەۋشٸ ەدٸ دەسانتتار, دەل وسىلايشا, بۇل سودىرلاردىڭ ٶز ۇستانىمدارى بار ەكەنٸ انىقتالدى. شەيٸت بولعان ەرٸپتەستەرٸنٸڭ - «نٶكەرلەرٸنٸڭ» مٷردەلەرٸن مورگقا جەتٸ رەت شابۋىلداپ, 47 دەنەسٸن الىپ شىققانى, تٸپتەن قىزىق. سوندا, بۇل پاتشاعارلار ناعىز سوعىس الاڭىندا جٷرگەندەي سەزٸنگەنٸ عوي. ياعني, بۇلاردىڭ سوعىس الاڭى اناۋ ايتقانداي, مايدان دالاسى ەمەس, قاراپايىم بەيبٸت جۇرتتىڭ اراسى بولىپ تۇر. قانداي ادامدار سوندا بۇلار? جيٸركەنٸشتٸ.
ەڭ ٶكٸنٸشتٸسٸ, وڭدى-سولدى اتقان لاڭكەستەر, پوليتسييا مەن ساربازعا وعى تيسٸن-تيمەسٸن, ەيتەۋٸر قاڭعىعان وعى قاراپايىم تۇرعىنعا, بالاعا, يتكە تيسە دە بەرٸبٸر بولعاندىعىندا. بۇدان تٷسٸنگەنٸمٸز, بۇلاردىڭ قوعامدا ٷرەي تۋعىزۋ نيەتٸ بولعانى انىق.
قۇدايعا شٷكٸر, اۋعانىستانداعى تاليبان نە سيرييا مەن يراكتاعى دايش كەلمەدٸ, ولار كەلسە, كٶشەنٸڭ ورتاسىندا ٶز زاڭدارىن ورناتىپ, قانجارلارىمەن كٸنەلٸنٸڭ باسىن العان كٶرٸنٸستەر ٶربٸپ كەتەر ەدٸ. بەتٸن ارى قىلسىن, وعان جەتكٸزبەدٸ.
دەل سولاي, جەتكٸزبەدٸ! 4-5 قاڭتاردان كەيٸن بٸزدٸ شىندىعىندا نە كٷتٸپ تۇرعانىن ەشكٸم دە بٸلمەدٸ. ەگەر دە بيلٸكتٸڭ دەر كەزٸندەگٸ شەشٸمٸ, ەتەك-جەڭٸن جيىپ العان پوليتسييا مەن ەسكەردٸڭ بٸلەككە سەنگەن قاتتى قولى بولماعاندا, سۇمدىقتىڭ قانداي كٶكەسٸ بولارىن كٸم بٸلسٸن?
ۇلتتىق ۇلان ساربازدارىنىڭ, پوليتسييا مەن ەسكەري قىزمەتتەگٸ, ۇلتتىق قاۋٸپسٸزدٸكتەگٸ قىزمەتكەرلەردٸڭ, جاس كۋرسانتتاردىڭ ەرلٸكتەرٸ, كەسٸبي قيمىلدارى, انتىنا بەرٸك سەنٸمدەرٸ بولماعاندا - قاڭتار وقيعاسى وسى كٷندەرٸ كەشەگٸ تاريحقا كەتپەس ەدٸ.
بۇل جەردە «ەرٸم دەيتٸن ەلٸ بولماسا, ەلٸم دەيتٸن ەرٸ بولماس» ەدٸ. قاڭتار وقيعاسىندا ەرلٸكپەن قازا تاپقاندارعا قايعىرا كٶڭٸل ايتۋ يماني پارىزىمىز, جاراقاتتانىپ, زارداپ شەككەندەردٸ قولداۋ ازاماتتىق مٸندەتٸمٸز عوي.
قاڭتار وقيعاسىنان الار ساباعىمىز كٶپ. باستىسى بيلٸك پەن قوعامنىڭ, قۇقىققورعاۋ قىزمەتٸ مەن ازاماتتاردىڭ اراسىندا - ٶزارا سەنٸم, بٸرلٸك, ورتاق مٷددە بولۋ كەرەكتٸگٸن كٶرسەتتٸ. وسى قۇندىلىقتارعا بەرٸك بولايىق!
