قر پرەمەر-مينيسترٸ ەليحان سمايىلوۆ ەۋرازييالىق ٷكٸمەتارالىق كەڭەس وتىرىسىندا رەسەي فەدەراتسيياسى ٷكٸمەتٸنٸڭ باسشىسى ميحايل ميشۋستينمەن ەكٸجاقتى كەلٸسسٶز جٷرگٸزدٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
تاراپتار بٸرقاتار ٶزەكتٸ مەسەلەلەردٸ, اتاپ ايتقاندا, ساۋدا-ەكونوميكالىق, ترانزيتتٸك-كٶلٸكتٸك ىنتىماقتاستىق, ٶنەركەسٸپتٸك جەنە وتىن-ەنەرگەتيكالىق كەشەن, تسيفرلاندىرۋ, عارىش سالاسى جەنە ت. ب. قاتىستى مەسەلەلەردٸ تالقىلادى.
رەسەي فەدەراتسيياسى – قازاقستاننىڭ نەگٸزگٸ ساۋدا-ەكونوميكالىق سەرٸكتەسٸ. 2021 جىلى ەكٸ ەل اراسىنداعى تاۋار اينالىمىنىڭ ٶسٸمٸ 29%-دى قۇرادى.
سمايىلوۆ اگروٶنەركەسٸپ كەشەنٸندەگٸ قارقىندى ٶسٸمدٸ اتاپ ٶتتٸ.
«ٶتكەن جىلى اٶك-تەگٸ ٶزارا ٸس-قيمىل 32%-عا ارتتى. سونىمەن قاتار بۇل سالا ٷلكەن ەلەۋەتكە يە. ساۋدانى, ونىڭ قۇرىلىمىن ۇلعايتۋ, جەتكٸزٸلەتٸن تاۋارلار نومەنكلاتۋراسىن كەڭەيتۋ جۇمىستارىن جالعاستىرۋدى ۇسىنامىز. رەسەيلٸك اگروٶنەركەسٸپتٸك بيزنەستٸ تىعىز ىنتىماقتاستىق ورناتۋعا شاقىرامىز», — دەدٸ ە. سمايىلوۆ.
ترانزيتتٸك-كٶلٸكتٸك ىنتىماقتاستىق مەسەلەلەرٸن تالقىلاي وتىرىپ, قازاقستان پرەمەر-مينيسترٸ «ەۋروپا – باتىس قىتاي» حالىقارالىق كٶلٸك باعىتىن دامىتۋ جٶنٸندەگٸ اۋقىمدى جوبانى اتاپ ٶتتٸ. قۇرىلىستىڭ قازاقستاندىق جەنە قىتايلىق ۋچاسكەلەرٸ اياقتالدى. جۇمىستىڭ رەسەي جاعىندا اياقتالۋى كٷتٸلۋدە.
قازاقستان تاراپى «مەريديان» اۆتوموبيل جولى جوباسىنىڭ جالعاسى رەتٸندە اقتٶبە قالاسىنان رەسەي شەكاراسىنا دەيٸن ورال قالاسى ارقىلى ساماراعا دەيٸنگٸ اۆتوجول ۋچاسكەسٸن قايتا جاڭارتۋدى كٶزدەپ وتىر. قوزعالىس قارقىندىلىعىنىڭ ارتۋىنا قاراي, ۋاقىت ٶتە كەلە 2025-2030 جىلدارى جول ساناتىن 4 جولاققا دەيٸن كەڭەيتۋ جوسپاردا بار.
بۇعان قوسا قازاقستان مەن رەسەي اراسىنداعى ەۋە قاتىناسىن رەتتەۋ مەسەلەسٸنە ەرەكشە كٶڭٸل بٶلٸندٸ. قازٸرگٸ ۋاقىتتا كٶرشٸ ەلدەر اراسىندا 21 باعىت بويىنشا اپتاسىنا 54 رەيس ورىندالىپ جاتىر. جالپى, رەيستەر بٸرتٸندەپ قالپىنا كەلۋدە. الايدا, قاجەتتٸ سۇرانىسقا تولىعىمەن ساي كەلمەي وتىر.
سونىمەن قاتار ە. سمايلوۆ پەن م. ميشۋستين قازاقستاننىڭ سولتٷستٸك جەنە شىعىس ٶڭٸرلەرٸن, ونىڭ ٸشٸندە رەسەي فەدەراتسيياسىنان كەلەتٸن قۇبىر ارقىلى گازداندىرۋ جولدارىن تالقىلادى.
«گازپروم» جەنە «QazaqGaz» كومپانييالارى بيىلعى جىلدىڭ بٸرٸنشٸ توقسانىنىڭ سوڭىنا دەيٸن قازاقستاننىڭ سولتٷستٸك جەنە شىعىس ٶڭٸرلەرٸن گازداندىرۋ جوباسىنا باعالاۋ جٷرگٸزۋٸ تيٸس. تاراپتار گاز قۇبىرلارىن سالۋ باعىتتارى مەن تۇتىنۋ كٶلەمٸن انىقتايدى. ە. سمايىلوۆ قىسقا مەرزٸمدٸ پەرسپەكتيۆادا ناقتى شەشٸم قابىلداۋ ٷشٸن وسى سالاداعى جۇمىستاردى جانداندىرۋ قاجەت ەكەنٸن جەتكٸزدٸ.
ٶز كەزەگٸندە ميحايل ميشۋستين ەۋرازييالىق ەكونوميكالىق وداق فورماتىنداعى ينتەگراتسييالىق بايلانىستاردىڭ نىعايۋىنا جەنە ٶزارا قىزىعۋشىلىقتارعا سەيكەس ساۋدا-ەكونوميكالىق ىنتىماقتاستىقتى قامتاماسىز ەتۋگە سەنٸم بٸلدٸردٸ.
«رەسەي مەن قازاقستان اراسىنداعى ساۋدا-ەكونوميكالىق ىنتىماقتاستىعىمىز تابىستى دامىپ كەلە جاتقانىن اتاپ ٶتكٸم كەلەدٸ. 2021 جىلى تاۋار اينالىمى 2020 جىلمەن سالىستىرعاندا ٷشتەن بٸرگە ارتىپ, $25 ملرد-تان استى. بۇل بٸزدٸڭ تاريحىمىزداعى ٶزارا ساۋدانىڭ رەكوردتىق كٶرسەتكٸشٸ», — دەدٸ رەسەي ٷكٸمەتٸنٸڭ باسشىسى.
كەزدەسۋ سوڭىندا قازاقستاندىق جەنە رەسەيلٸك تاراپتاردىڭ ٶكٸلدەرٸ رەسەي فەدەراتسيياسىنىڭ ٷكٸمەتٸ مەن قازاقستان رەسپۋبليكاسىنىڭ ٷكٸمەتٸ اراسىنداعى ەكونوميكالىق ىنتىماقتاستىقتىڭ 2021-2025 جىلدارعا ارنالعان كەشەندٸ باعدارلاماسىن ٸسكە اسىرۋ جٶنٸندەگٸ ٸس-شارالار جوسپارىنا قول قويدى.
