سولتٷستٸك قازاقستان وبلىسىندا تەرتٸپ ساقشىلارى 4,5 توننا ارتەمييا سالينا شايانىن زاڭسىز اۋلاعان تايىنشا اۋدانىنىڭ تۇرعىنىن ۇستادى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, تايىنشا اۋدانىنىڭ پوليتسەيلەرٸ جەنە سقو پد كريمينالدىق پوليتسييا باسقارماسىنىڭ قىزمەتكەرلەرٸ بٸرلەسە رەيد ٶتكٸزگەن. ٸس-شارا بارىسىندا تەرتٸپ ساقشىلارى «زيل» جٷك كٶلٸگٸن توقتاتتى. كٶلٸكتەن سالماعى 4,5 توننا ارتەمييا سالينا شايانى سالىنعان 105 قاپ تابىلدى. 1987 جىلى تۋعان جەرگٸلٸكتٸ تۇرعىن كٶلٸكتەگٸ جٷككە قاتىستى قۇجاتتاردى كٶرسەتە المادى.
اتالعان فاكتٸ «ۇرلىق» بابى بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە ەنگٸزٸلدٸ. كٷدٸكتٸگە قاتىستى كەلۋگە مٸندەتتەۋ تٷرٸندەگٸ بۇلتارتپاۋ شاراسى قولدانىلدى. جٷك كٶلٸگٸ ارنايى تۇراققا قويىلدى.
شىعىن سوماسى ەزٸرگە بەلگٸسٸز. پوليتسييا قىزمەتكەرلەرٸ وقيعانىڭ مەن-جايىن انىقتاۋعا قاتىستى جۇمىستى باستاپ كەتتٸ.
«ارتەمييا سالينا شايانى فارماكولوگييادا قولدانىلاتىن قۇندى شيكٸزات. ول «قارا بازاردا» سۇرانىسقا يە جەنە قىمبات تۇرادى. سونىسىمەن دە كٶپشٸلٸكتٸڭ قىزىعۋشىلىعىن تۋدىرادى. الايدا شايان تەرٸزدٸ جەندٸكتەرٸ بار كٶلدەر جالعا الىنعان. ارتەمييا سالينانى ۇرلاۋ فاكتٸلەرٸ بۇرىن دا تٸركەلگەن. بۇل جاعداي جىل باسىنان بەرٸ تايىنشا اۋدانىندا شايان تەرٸزدٸلەردٸ تەركٸلەۋدٸڭ ەڭ ٸرٸ كٶلەمٸ بولىپ وتىر», - دەيدٸ اۋداندىق پوليتسييا بٶلٸمٸنٸڭ باستىعى نۇرلىجان اقتانوۆ.
وبلىستا ٶتكٸزٸلٸپ جاتقان «براكونەر» جەدەل-پروفيلاكتيكالىق ٸس-شاراسى اياسىندا 23 موبيلدٸ توپ قۇرىلدى. تەرتٸپ ساقشىلارىنا اڭشىلىق شارۋاشىلىقتاردىڭ قورىقشىلارى دا كٶپ كٶمەك كٶرسەتەدٸ. جالپى «براكونەر» ٸس-شاراسى باستالعالى وبلىستا تابيعاتتى قورعاۋ زاڭناماسىن بۇزۋدىڭ 246 دەرەگٸ تٸركەلدٸ. نەگٸزٸنەن اڭ اۋلاۋ ەرەجەلەرٸن بۇزۋعا قاتىستى, ياعني 208 جاعداي انىقتالدى. زاڭسىز اتىلعان 5 اڭنىڭ ەتٸ, 8 قارۋ تەركٸلەندٸ.
ەكولوگييالىق قىلمىستار بويىنشا 9 قىلمىستىق ٸس قوزعالدى.
