سقو-دا 17 جاستاعى جاسٶسپٸرٸم الاڭقايدان گراناتا تاۋىپ الدى, – دەپ حابارلايدى Polisia.kz.
قىزىلجار اۋدانىنداعى اۋىلداردىڭ بٸرٸنٸڭ 17 جاستاعى تۇرعىنى ەرەكشە زات تاۋىپ العان. ول الاڭقايدان كورروزييا بەلگٸلەرٸمەن گراناتاعا ۇقساس زاتتى انىقتاعان.
بالا ونى تەتەسٸنٸڭ ٷيٸنە ەكەلگەن, ال تەتەسٸ ٶز كەزەگٸندە پوليتسيياعا حابارلاعان.
سوكولوۆ پوسەلكەلٸك پوليتسييا بٶلٸمشەسٸنٸڭ قىزمەتكەرلەرٸ وقيعا ورنىن قورشاۋعا الىپ, جاقىن ماڭداعى ٷش ٷيدٸڭ جەتٸ تۇرعىنىن قاۋٸپسٸز جەرگە كٶشٸردٸ. وقيعا ورنىنا جەتكەن جارعىش-تەحنيكتەر قاۋٸپتٸ زاتتى ارنايى قالىپقا سالدى. تابىلعان زات كەڭەستٸك زاماننان قالعان جاياۋ ەسكەردە قولدانىلاتىن «ۋزرگم» تۇتاندىرعىشى بار «رگد» گراناتاسى بولىپ شىقتى.
«گراناتا ساراپتاماعا جٸبەرٸلدٸ, كەيٸن ارنايى پوليگوندا جويىلاتىن بولادى. جارىلعىش زاتتارعا ۇقساس زات تابىلعان جاعدايدا زاريادتىڭ ٶزدٸگٸنەن جارىلۋىن بولدىرماۋ ٷشٸن ولاردى ۇستاۋعا, ورنىنان قوزعاۋعا بولمايتىنىن ەسكە سالامىز», - دەيدٸ قىزىلجار اۋدانى پوليتسييا بٶلٸمٸ باستىعىنىڭ مٸندەتٸن اتقارۋشى نۇرلىجان اقتانوۆ.
