«سق-فارماتسييا» جشس باسقارما تٶراعاسى بەرٸك شەرٸپ ازاماتتاردى دەرٸحانالاردان دەرٸ-دەرمەكتٸ ارتىق ساتىپ الماۋعا شاقىردى, دەپ حابارلايدى "ۇلت اقپارات".
ونىڭ ايتۋىنشا, دەرٸنٸ قاجەتتٸ كٶلەمنەن ارتىق ساتىپ الۋ – دەرٸحانالاردا تاپشىلىقتى تۋىنداتىپ وتىر.
«ەر ٶڭٸردە ۋچاسكەلٸك دەرٸگەر بار. سول دەرٸگەردەن كەڭەس الىپ, دەرٸ-دەرمەكتٸ تەك كەرەكتٸ جەردە, ورىندى تٷردە قولدانۋ كەرەك. ٶيتكەنٸ دەرٸحانالارداعى تاپشىلىق – ەڭ باستىسى, كەيبٸر ادامداردىڭ دەرٸنٸ ارتىق ساتىپ الۋىنان تۋىنداپ وتىر. دەنساۋلىق ساقتاۋ مينيسترلٸگٸ الدىن الا دەرٸحانالارعا جەتكٸزٸلەتٸن پرەپاراتتاردىڭ سانىن كٶرٸپ وتىر. ادامدار امبۋلاتورييالىق جاعدايدا ەمدەلسە دە دەرٸ قورى جەتكٸلٸكتٸ بولۋى كەرەك. بٸراق ازاماتتاردىڭ دەرٸ-دەرمەكتٸ باقىلاۋسىز كٶپتەپ ساتىپ الۋى, ەرينە تاپشىلىققا ەكەلدٸ. ٶزٸڭ اۋىرماساڭ – تۋعان-تۋىسقانىڭ, باۋىرىڭ اۋىرىپ جاتىر. دەرٸ-دەرمەكتٸ ورىندى قولدانىپ-اق ولارعا كٶمەك كٶرسەتە الار ەدٸك», - دەدٸ بەرٸك شەرٸپ «Qazaq radiosy»-نا بەرگەن سۇحباتىندا.
ەسكە سالا كەتسەك, بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا دەرٸحانالاردان كەيبٸر پرەپاراتتى حالىق جاپپاي ساتىپ الىپ كەتكەنٸن حابارلاعان ەدٸ.
«نەگٸزگٸسٸ ىستىق تٷسٸرەتٸن – پاراتسەتامول. جالپى بٸزدٸڭ ەلدە پاراتسەتامولدىڭ 80 تٷرٸ بارىن اتاپ ٶتكٸم كەلەدٸ. ول تابلەتكا كٷيٸندە دە, سيروپ مەن سۆەچا كٷيٸندە دە ساتىلىپ جاتىر», - دەدٸ ۆيتسە-مينيستر.
