سيرييا جٶنٸندەگٸ استانا پروتسەسٸنٸڭ بارلىق تاراپى استانادا 30-31 قازاندا ٶتەتٸن الداعى كەزدەسۋگە قاتىساتىندىقتارىن راستادى, دەپ حابارلايدى "ۇلت اقپارات" سٸم باسپاسٶز قىزمەتٸنە سٸلتەمە جاساپ.
رەسەي دەلەگاتسيياسىنا رف پرەزيدەنتٸنٸڭ سيرييا جٶنٸندەگٸ ارنايى ٶكٸلٸ الەكساندر لاۆرەنتەۆ, تٷركييا دەلەگاتسيياسىنا سىرتقى ٸستەر مينيسترٸنٸڭ ورىنباسارى سەدات ونال, يران دەلەگاتسيياسىنا سىرتقى ٸستەر مينيسترٸنٸڭ ورىنباسارى حۋسەين دجابەري انساري باسشىلىق ەتەدٸ.
«الداعى كەزدەسۋگە سيرييا ٷكٸمەتٸنٸڭ جەنە سيرييالىق وپپوزيتسييانىڭ, سونداي-اق بايقاۋشى رەتٸندە بۇۇ, اقش جەنە يوردانييانىڭ ٶكٸلدەرٸ قاتىسادى.
ٸس-شارانىڭ باستالۋىنا بٸر كٷن دەيٸن كەپٸلگەر-ەلدەردٸڭ ٶكٸلدەرٸ ساراپشىلار دەڭگەيٸندە ەكٸجاقتى جەنە ٷشجاقتى كونسۋلتاتسييالار ٶتكٸزۋگە نيەتتٸ. جالپى وتىرىس بارلىق تاراپتىڭ قاتىسۋىمەن 31 قازاندا ٶتەدٸ» دەلٸنگەن مينيسترلٸكتٸڭ باسپاسٶز مەلٸمەتٸندە.
ۆەدومستۆانىڭ حابارلاۋىنا قاراعاندا, كەزدەسۋ سيرييادا ۇرىس ٸس-قيمىلدارىن دوعارۋ رەجيمٸن نىعايتۋ بويىنشا قول جەتكٸزٸلگەن نەتيجەلەردٸ ساقتاۋعا, سونداي-اق داعدارىستى ساياسي رەتتەۋگە ٶتۋ كەزەڭٸندە اتالعان ەلدەگٸ جاعدايدى ەرٸ قاراي تۇراقتاندىرۋ شەڭبەرٸندە كٷش-جٸگەرلەردٸ ارتتىرۋعا باعىتتالعان.
