Siriia jónindegi Astana protsesiniń barlyq tarapy Astanada 30-31 qazanda ótetin aldaǵy kezdesýge qatysatyndyqtaryn rastady, dep habarlaidy "Ult aqparat" SIM baspasóz qyzmetine silteme jasap.
Resei delegatsiiasyna RF Prezidentiniń Siriia jónindegi arnaiy ókili Aleksandr Lavrentev, Túrkiia delegatsiiasyna syrtqy ister ministriniń orynbasary Sedat Onal, Iran delegatsiiasyna syrtqy ister ministriniń orynbasary Hýsein Djaberi Ansari basshylyq etedi.
«Aldaǵy kezdesýge Siriia úkimetiniń jáne siriialyq oppozitsiianyń, sondai-aq baiqaýshy retinde BUU, AQSh jáne Iordaniianyń ókilderi qatysady.
Is-sharanyń bastalýyna bir kún deiin kepilger-elderdiń ókilderi sarapshylar deńgeiinde ekijaqty jáne úshjaqty konsýltatsiialar ótkizýge nietti. Jalpy otyrys barlyq taraptyń qatysýymen 31 qazanda ótedi» delingen ministrliktiń baspasóz málimetinde.
Vedomstvanyń habarlaýyna qaraǵanda, kezdesý Siriiada urys is-qimyldaryn doǵarý rejimin nyǵaitý boiynsha qol jetkizilgen nátijelerdi saqtaýǵa, sondai-aq daǵdarysty saiasi retteýge ótý kezeńinde atalǵan eldegi jaǵdaidy ári qarai turaqtandyrý sheńberinde kúsh-jigerlerdi arttyrýǵa baǵyttalǵan.
