استانا ەۋەجايىندا تەكسەرۋشٸ قىزمەتكەرلەرگە قول سٶمكەسٸندە "بومبا بارى" تۋرالى ايتقان اۋعانستاننىڭ قازاقستانداعى بۇرىنعى ەلشٸسٸ موحامماد فارۋك باراكيدٸڭ سٶزٸ "ورىنسىز بولدى", - دەدٸ قازاقستان سىرتقى ٸستەر مينيسترٸنٸڭ ورىنباسارى مۇحتار تٸلەۋبەردٸ.
موحامماد فارۋك باراكي 1 مامىر كٷنٸ كابۋلگە ۇشاتىن كەزدە تەكسەرۋ پۋنكتٸندە كەدەن قىزمەتكەرٸ ودان سٶمكەسٸندە نە بارى تۋرالى سۇراعانىندا "بومبا بار" دەپ ەزٸلدەپ جاۋاپ بەرگەن. استانادا ٷكٸمەت ساعاتىنان سوڭ جۋرناليستەر سۇراعىنا جاۋاپ بەرگەن مۇحتار تٸلەۋبەردٸ ارنايى قىزمەت ٶكٸلدەرٸ قۇجاتتارى مەن زاتتارىن تەكسەرگەنگە دەيٸن باراكيدٸڭ ديپلومات ەكەنٸن بٸلمەگەن, بٸراق باراكيدٸڭ ٸسٸ "ورىنسىز بولعانىن" ايتتى. دەگەنمەن ول ديپلوماتقا مۇنداي سٶزٸ ٷشٸن مينيسترلٸك دەڭگەيٸندە شارا قولدانىلمايتىنىن, مەسەلەنٸڭ سول جەردە جابىلعانىن ايتتى.
ديپلومات "ەزٸلٸنەن" سوڭ دەرەۋ ۇستالىپ, ەۋەجايعا كٸرەتٸن ەسٸكتەر دەرەۋ جابىلىپ, وقيعا ورنىنا ارنايى قىزمەت ٶكٸلدەرٸ بارعان. تەكسەرٸستەن سوڭ ديپلوماتتىڭ ەلٸنە ۇشۋعا رۇقسات بەرٸلگەن.
استانا ەۋەجايىنىڭ باسپاسٶز حاتشىسى كاميلا قاسىمبەكوۆا ازاتتىققا ديپلومات "ٶرەسكەل تٷردە ەرەجە بۇزعانىن" جەنە ونى "ەزٸلٸ ٷشٸن" جاۋپكەرشٸلٸكتەن ديپلوماتييالىق قول سۇعىلماۋشىلىق قۇقىعى عانا قۇتقارىپ قالعانىن ايتتى.
