...ەرينە, قازاقستاننىڭ ەكٸنشٸ پرەزيدەنتٸ قاسىم-جومارت توقاەۆ ەلباسىن ۇلىقتاۋ جٶنٸندە ۇسىنىس جاساعانىمەن, «قازاقتىڭ ۇلى تۇلعالارىنىڭ ەسٸمدەرٸن تەرك ەتٸپ, تەۋەلسٸزدٸكتٸ جوققا شىعارىڭدار!» – دەگەن جوق قوي.
سولاي بولا تۇرا, «شاش ال دەسە, باس الۋعا» دايىن تۇراتىن ەكٸمدەر بٸرشاما وبلىس ورتالىقتارىندا قازاقتىڭ ۇلى تۇلعالارىنىڭ اتى قويىلعان كٶشەلەر مەن داڭعىلداردىڭ اتاۋلارىن, پاۆلوداردا تەۋەلسٸزدٸك داڭعىلىنىڭ اتاۋىن «نۇرسۇلتان نازارباەۆقا» ٶزگەرتٸپ جٸبەردٸ!
نەشەمە جىلدار بويى الىسىپ جٷرٸپ, "كۋتۋزوۆ" كٶشەسٸن "تەۋەلسٸزدٸك" داڭعىلى دەپ قايتا اتاۋعا زورعا قول جەتكٸزٸپ ەدٸك! ەندٸ, شىنىمەن, «تەۋەلسٸزدٸكتەن» ايرىلعانىمىز با?!
بٸر تٷسٸنٸكسٸز جايت, استانا قالاسىنىڭ اتاۋى ٶزگەرەدٸ دە, پاۆلودارداعى ورتالىق كٶشەلەردٸڭ بٸرٸ استانا كٶشەسٸنٸڭ اتاۋى ساقتالىنىپ قالادى... دەل سونداي ۇزىن ەرٸ كەڭ ورتالىق كٶشەلەردٸڭ بٸرٸ لەرمونتوۆ بەز-باياعى قالپىندا تۇر!..
تەۋەلسٸزدٸك داڭعىلىنىڭ اتاۋىن ٶزگەرتكەنشە پاۆلودار قالاسىن نۇرقالا دەپ قايتا اتاۋ ەلدەقايدا دۇرىس بولار ەدٸ! پاۆەل پاتشازادانىڭ ەسٸمٸن قۇرمەتتەۋدەن گٶرٸ ەلباسىنىڭ اتىن ەسپەتتەۋ مەيلٸنشە ابزال ٸس قوي!
بٸزدٸڭ بۇل ۋەجٸمٸز بەن ۇسىنىسىمىز قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ مىرزاعا جەتەدٸ دەگەن ٷمٸتتەمٸز.
ارمان قاني,
حالىقارالىق «الاش» ەدەبي سىيلىعىنىڭ يەگەرٸ,
پاۆلودار قالاسىنىڭ قۇرمەتتٸ ازاماتى.
