...Árine, Qazaqstannyń ekinshi prezidenti Qasym-Jomart Toqaev Elbasyn ulyqtaý jóninde usynys jasaǵanymen, «Qazaqtyń uly tulǵalarynyń esimderin tárk etip, Táýelsizdikti joqqa shyǵaryńdar!» – degen joq qoi.
Solai bola tura, «shash al dese, bas alýǵa» daiyn turatyn ákimder birshama oblys ortalyqtarynda qazaqtyń uly tulǵalarynyń aty qoiylǵan kósheler men dańǵyldardyń ataýlaryn, Pavlodarda Táýelsizdik dańǵylynyń ataýyn «Nursultan Nazarbaevqa» ózgertip jiberdi!
Nesheme jyldar boiy alysyp júrip, "Kýtýzov" kóshesin "Táýelsizdik" dańǵyly dep qaita ataýǵa zorǵa qol jetkizip edik! Endi, shynymen, «Táýelsizdikten» airylǵanymyz ba?!
Bir túsiniksiz jait, Astana qalasynyń ataýy ózgeredi de, Pavlodardaǵy ortalyq kóshelerdiń biri Astana kóshesiniń ataýy saqtalynyp qalady... Dál sondai uzyn ári keń ortalyq kóshelerdiń biri Lermontov báz-baiaǵy qalpynda tur!..
Táýelsizdik dańǵylynyń ataýyn ózgertkenshe Pavlodar qalasyn Nurqala dep qaita ataý áldeqaida durys bolar edi! Pavel patshazadanyń esimin qurmetteýden góri Elbasynyń atyn áspetteý meilinshe abzal is qoi!
Bizdiń bul ýájimiz ben usynysymyz Qazaqstan Respýblikasynyń Prezidenti Qasym-Jomart Toqaev myrzaǵa jetedi degen úmittemiz.
Arman QANI,
Halyqaralyq «Alash» ádebi syilyǵynyń iegeri,
Pavlodar qalasynyń qurmetti azamaty.
