شىمكەنت قالاسىنداعى رەتسٸز ساۋدا مەن بازارلاردى جويىپ, زامان تالابىنا ساي ساۋدا ورىندارى مەن الىپ دٷكەندەردٸڭ قۇرىلىسىن قولعا الۋىمىز كەرەك. وسىعان سەيكەس قالانىڭ باس جوسپارى بويىنشا ٸرٸ بازارلاردىڭ بەرٸ قالا سىرتىندا ورنالاساتىن بولادى. بٷگٸن بۇل تۋرالى قالاداعى بٸرقاتار ەلەۋمەتتٸك نىسانداردى ارالاۋ بارىسىندا وڭتٷستٸك قازاقستان وبلىسى ەكٸمٸ جانسەيٸت تٷيمەباەۆ مەلٸم ەتتٸ.
ٶڭٸر باسشىسى كٷتپەگەن جەردەن رىسقۇلوۆ پەن دۋلاتي كٶشەلەرٸنٸڭ قيىلىسىندا ورنالاسقان «قازىبەك» ەمبەباپ بازارىنا ايالدادى. بازار ماڭىنداعى قۇجىناعان حالىق پەن ەشقانداي سانيتارلىق تالاپتارعا جاۋاپ بەرمەيتٸن جٷيەسٸز ساۋدا رەتتەرٸن كٶرگەن ەكٸم بازار جىل سوڭىنا دەيٸن قالا سىرتىنا كٶشٸرٸلەتٸنٸن ايتتى. سونداي-اق ەلباسىنىڭ تاپسىرماسىنا سەيكەس شىمكەنتتٸ ٸرٸ مەگاپوليسكە اينالدىرۋ بويىنشا جاڭا جوبالاردىڭ قولعا الىنىپ جاتقانىنا توقتالدى. اتالعان بازاردى قالا سىرتىنا كٶشٸرۋدٸ جىل سوڭىنا دەيٸن شەشۋدٸ قالا باسشىلىعىنا تاپسىردى.
«قازٸرگٸ تالاپتارعا سەيكەس بۇل بازار قالا سىرتىنا كٶشٸرٸلەتٸن بولادى. سوندىقتان مۇنداعى ساۋدا جاساپ جاتقان كەسٸپكەرلەر تٷسٸنٸستٸكپەن قاراپ, بٸزگە قولداۋ بٸلدٸرۋٸ قاجەت. ساۋداگەرلەر دالادا قالمايدى. بەرٸنە زاڭ تالاپتارىنا ساي زاماناۋي ٷلگٸدە سالىنىپ جاتقان بوزارىق شاعىن اۋدانىنداعى ساۋدا ورتالىعىنان ورىن بەرٸلەتٸن بولادى. سوندىقتان اتالعان بازاردى جىل سوڭىنا دەيٸن جاۋىپ, كٶشٸرۋدٸ تاپسىرامىن», - دەدٸ جانسەيٸت تٷيمەباەۆ.
وبلىس ەكٸمٸنٸڭ بۇل تالابىنا سونداعى ساتۋشىلار دە قولداۋ بٸلدٸرٸپ, كٶشۋگە بايلانىستى ەسكەرتۋ شارالارىنىڭ دەر كەزٸندە جٷرٸپ جاتقاندىعىن جەتكٸزدٸ.
«جەرگٸلٸكتٸ بيلٸك قويىپ وتىرعان تالاپتار ٶتە ورىندى. مىناداي بازاردا قىستىڭ سۋىعى مەن جازداعى اپتاپ ىستىقتا تۇرىپ ساۋدا جاساۋ ايتارلىقتاي قيىندىقتار تۋدىرادى. سوندىقتان بٸز كٶشۋگە ەزٸرمٸز. تەك جاڭا بازاردان ورىن بەرسەڭٸزدەر بولعانى» دەدٸ بٸر توپ ساتۋشىلار.
«قازىبەك» ەمبەباپ بازارىندا جەمٸس-جيدەك, كٶكٶنٸس پەن كٷندەلٸكتٸ تۇتىنۋعا ارنالعان جەنە قۇرىلىسقا قاجەتتٸ تاۋارلار ساۋدالانادى. ساۋدا ورتالىعىنىڭ جالپى اۋماعى 20 595 شارشى مەتردٸ قۇرايدى. ونىڭ ٸشٸندە 10 719 شارشى مەترٸ ساۋدا الاڭىنا جاتادى.
