فوتو: Pixabay.com
شىمكەنتتە جىل باسىنان بەرٸ 11 جاسٶسپٸرٸم ٶز-ٶزٸنە قول جۇمساعان. ال 3 وقۋشى قىزدان ەرتە جٷكتٸلٸك انىقتالعان. بۇل تۋرالى قالالىق بٸلٸم باسقارماسىنىڭ القا جيىنىندا ايتىلدى, دەپ حابارلايدى «ۇلت اقپارات» وتىرار باسىلىمىنا سٸلتەمە جاساپ.
شىمكەنتتە جىل باسىنان بەرٸ كەمەلەتكە تولماعاندار اراسىندا 19 قۇقىق بۇزۋشىلىق جاسالعان. ونىڭ ٸشٸندە مەكتەپ وقۋشىلارى اراسىندا 3 قىلمىس تٸركەلگەن. ونىڭ ەكەۋٸ توناۋ, بٸرەۋٸ - زورلاۋ فاكتٸسٸ. ٶتكەن جىلى مۇنداي كەزەڭدە كەمەلەتكە تولماعاندار 12 قىلمىس جاساعان دەيدٸ سپيكەرلەر.
"9 وقۋشى ٶزگە ٶڭٸردٸڭ بالالارى, شىمكەنت قالاسىنا كەلٸپ قۇقىق بۇزعان, ياعني قىلمىس جاساعان. 2 وقۋشى مەكتەپ بٸتٸرٸپ كەتكەن, ەش جەردە تٸركەلمەيتٸن ازاماتتار. 5 وقۋشى كوللەدج ستۋدەنتتەرٸ. ال مەكتەپ جاسىنداعى بالالار - ٷش وقۋشى. سۋيتسيد جاساعانداردىڭ ٸشٸندە بەسەۋٸ كوللەدج ستۋدەنتتەرٸ, التاۋى - مەكتەپ وقۋشىلارى", - دەيدٸ شىمكەنت قالاسى بٸلٸم باسقارماسى باسشىسىنىڭ ورىنباسارى گٷلنار دەرٸباەۆا.
ٷش ايدىڭ ٸشٸندە مەكتەپ وقۋشىلارى اراسىندا 3 جاسٶسپٸرٸم قىزدىڭ اياعى اۋىر بولعان. بىلتىر دا ٷش وقۋشى قىزدىڭ جٷكتٸ ەكەنٸ انىقتالىپ وتىر. وقۋشىلار اراسىندا جىل باسىنان 11 وقۋشى ٶز-ٶزٸنە قول جۇمساعان. ونىڭ ٷشەۋٸ قازا تاپسا, سەگٸز بالا امان قالعان.
