Foto: Pixabay.com
Shymkentte jyl basynan beri 11 jasóspirim óz-ózine qol jumsaǵan. Al 3 oqýshy qyzdan erte júktilik anyqtalǵan. Bul týraly qalalyq bilim basqarmasynyń alqa jiynynda aityldy, dep habarlaidy «Ult aqparat» Otyrar basylymyna silteme jasap.
Shymkentte jyl basynan beri kámeletke tolmaǵandar arasynda 19 quqyq buzýshylyq jasalǵan. Onyń ishinde mektep oqýshylary arasynda 3 qylmys tirkelgen. Onyń ekeýi tonaý, bireýi - zorlaý faktisi. Ótken jyly mundai kezeńde kámeletke tolmaǵandar 12 qylmys jasaǵan deidi spikerler.
"9 oqýshy ózge óńirdiń balalary, Shymkent qalasyna kelip quqyq buzǵan, iaǵni qylmys jasaǵan. 2 oqýshy mektep bitirip ketken, esh jerde tirkelmeitin azamattar. 5 oqýshy kolledj stýdentteri. Al mektep jasyndaǵy balalar - úsh oqýshy. Sýitsid jasaǵandardyń ishinde beseýi kolledj stýdentteri, altaýy - mektep oqýshylary", - deidi Shymkent qalasy bilim basqarmasy basshysynyń orynbasary Gúlnar Dáribaeva.
Úsh aidyń ishinde mektep oqýshylary arasynda 3 jasóspirim qyzdyń aiaǵy aýyr bolǵan. Byltyr da úsh oqýshy qyzdyń júkti ekeni anyqtalyp otyr. Oqýshylar arasynda jyl basynan 11 oqýshy óz-ózine qol jumsaǵan. Onyń úsheýi qaza tapsa, segiz bala aman qalǵan.
