فوتو: Otyrar.kz
شىمكەنت قالاسىندا 21 جاستاعى ستۋدەنت قىزدىڭ ٶلٸمٸنە قاتىستى كٷدٸكتٸ قولعا تٷستٸ, دەپ حابارلايدى Ult.kz. بۇل اقپاراتتى قالا پوليتسييا دەپارتامەنتٸ راستادى.
پوليتسييانىڭ مەلٸمەتٸنشە, جەدەل-ٸزدەستٸرۋ ٸس-شارالارى بارىسىندا 28 جاستاعى قالا تۇرعىنى ۇستالىپ, ۋاقىتشا ۇستاۋ يزولياتورىنا قامالعان. كٷدٸكتٸنٸ ٸزدەۋگە پوليتسييا دەپارتامەنتٸنٸڭ جەكە قۇرامى تولىق جۇمىلدىرىلىپ, قالاعا كٸرٸپ-شىعاتىن باعىتتاردا باقىلاۋ كٷشەيتٸلگەن. نەتيجەسٸندە كٷدٸكتٸ شىمكەنت قالاسىنان شامامەن 10 شاقىرىم قاشىقتىقتاعى اشىق اۋماقتان تابىلىپ, ۇستالعان.
الدىن الا انىقتالعانداي, كٷدٸكتٸ مارقۇم قىزدىڭ تانىسى بولعان. قىلمىستىڭ ناقتى سەبەپتەرٸ مەن مەن-جايلارىن تەرگەۋ بارىسىندا انىقتالماق.
قايعىلى وقيعا 11 قاڭتار كٷنٸ كەشكٸ ۋاقىتتا شىمكەنت قالاسىنداعى تٶلەمەتوۆ پەن ٶتەگەنوۆ كٶشەلەرٸنٸڭ قيىلىسىندا بولعان. پىشاق جاراقاتىن العان 21 جاستاعى نۇراي سەرٸكباي وقيعا ورنىندا كٶز جۇمعان. ەلەۋمەتتٸك جەلٸلەردە تاراعان بەينەجازبادا قىزدىڭ قاشىپ قۇتىلۋعا تىرىسقانى, الايدا كٷدٸكتٸنٸڭ ونى ۇرىپ-سوعىپ, پىشاق سۇققانى كٶرٸنەدٸ. قىلمىستان كەيٸن ول وقيعا ورنىنان بوي تاسالاعان.
مارقۇم نۇراي سەرٸكباي اتا-اناسىمەن بٸرگە قىلمىس بولعان جەرگە جاقىن ماڭداعى كٶپقاباتتى ٷيلەردٸڭ بٸرٸندە تۇرعان. ول وتباسىنداعى كەنجە بالا بولعان, ەكٸ اعاسى بار. جاقىندارى قىزدىڭ مەيٸتٸن مەيٸتحانادان الىپ, تٷركٸستان وبلىسىنداعى تٶرتكٷل اۋىلىنا جەرلەۋگە الىپ كەتكەن.
اتالعان دەرەك بويىنشا ادام ٶلتٸرۋ فاكتٸسٸمەن قىلمىستىق ٸس قوزعالىپ, تەرگەۋ امالدارى جالعاسىپ جاتىر.
