سۋرەت: اشىق دەرەككٶز
قر مەدەنيەت جەنە اقپارات مينيسترلٸگٸندە شىعارماشىلىق ماماندىققا مەملەكەتتٸك بٸلٸم بەرۋ گرانتتارىن بٶلۋ بويىنشا وتىرىس ٶتتٸ, دەپ حابارلايدى "ۇلت اقپارات" قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
تالقىلاۋعا مەدەنيەت جەنە اقپارات مينيسترلٸگٸنٸڭ, وقۋ-اعارتۋ مينيسترلٸگٸنٸڭ, عىلىم جەنە جوعارى بٸلٸم مينيسترلٸگٸنٸڭ, «اتامەكەن» ۇلتتىق كەسٸپكەرلەر پالاتاسىنىڭ ٶكٸلدەرٸ, جوو باسشىلارى جەنە ت. ب. قاتىستى.
مەدەنيەت جەنە اقپارات مينيسترلٸگٸ ەلٸمٸزدٸڭ 10 وقۋ ورنىندا شىعارماشىلىق مامانداردى دايارلايدى. ولار 4 جوعارى وقۋ ورنى, 4 كوللەدج جەنە 2 ارنايى مەكتەپ.
«كەزدەسۋ قورىتىندىسى بويىنشا, 2024-2025 وقۋ جىلىنا 895 — باكالاۆريات, 166 — ماگيستراتۋرا جەنە 26 — دوكتورانتۋراعا بٸلٸم گرانتىن بٶلۋ تۋرالى شەشٸم قابىلداندى. كەسٸپتٸك جەنە تەحنيكالىق بٸلٸم بەرۋ مەكەمەلەرٸ اراسىندا 550 بيۋدجەتتٸك ورىن بٶلٸندٸ. بۇل ٶتكەن وقۋ جىلىمەن سالىستىرعاندا 50 گرانتقا ارتىق», — دەلٸنگەن حابارلامادا.
ساراپشىلار شەشٸم قابىلداۋ بارىسىندا ەڭ الدىمەن ەڭبەك نارىعىنىڭ قاجەتتٸلٸكتەرٸن ەسكەردٸ. نەتيجەسٸندە مۋزىكالىق تەاتر رەجيسسەرلەرٸنە, مۋزىكاتانۋشىلارعا, رەستاۆراتور-سۋرەتشٸلەرگە جەنە ستسەناريستەرگە دەگەن جوعارى سۇرانىستى انىقتادى. وسىعان بايلانىستى جاڭا بٸلٸم بەرۋ باعدارلامالارىن اشىپ, گرانتتار سانىن كٶبەيتۋ ارقىلى وسى ماماندىقتار بويىنشا كادرلار دايارلاۋعا نازار اۋدارۋ ۇسىنىلدى.
