Sýret: ashyq derekkóz
QR Mádeniet jáne aqparat ministrliginde shyǵarmashylyq mamandyqqa memlekettik bilim berý granttaryn bólý boiynsha otyrys ótti, dep habarlaidy "Ult aqparat" QR Mádeniet jáne aqparat ministrliginiń baspasóz qyzmetine silteme jasap.
Talqylaýǵa Mádeniet jáne aqparat ministrliginiń, Oqý-aǵartý ministrliginiń, Ǵylym jáne joǵary bilim ministrliginiń, «Atameken» Ulttyq Kásipkerler palatasynyń ókilderi, JOO basshylary jáne t. b. qatysty.
Mádeniet jáne aqparat ministrligi elimizdiń 10 oqý ornynda shyǵarmashylyq mamandardy daiarlaidy. Olar 4 joǵary oqý orny, 4 kolledj jáne 2 arnaiy mektep.
«Kezdesý qorytyndysy boiynsha, 2024-2025 oqý jylyna 895 — bakalavriat, 166 — magistratýra jáne 26 — doktorantýraǵa bilim grantyn bólý týraly sheshim qabyldandy. Kásiptik jáne tehnikalyq bilim berý mekemeleri arasynda 550 biýdjettik oryn bólindi. Bul ótken oqý jylymen salystyrǵanda 50 grantqa artyq», — delingen habarlamada.
Sarapshylar sheshim qabyldaý barysynda eń aldymen eńbek naryǵynyń qajettilikterin eskerdi. Nátijesinde mýzykalyq teatr rejisserlerine, mýzykatanýshylarǵa, restavrator-sýretshilerge jáne stsenaristerge degen joǵary suranysty anyqtady. Osyǵan bailanysty jańa bilim berý baǵdarlamalaryn ashyp, granttar sanyn kóbeitý arqyly osy mamandyqtar boiynsha kadrlar daiarlaýǵa nazar aýdarý usynyldy.
