شىعىس قازاقستان وبلىسى شەمونايحا اۋدانىنداعى تاسجولدا قار قۇرساۋىندا قالعان 5 ادام ەۆاكۋاتسييالاندى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 11 قاڭتاردا تٷنگٸ ساعات 01.00 شاماسىندا ۋبينكا اۋىلىنان 10 شاقىرىم جەردە «لاند كرۋزەر پرادو» كٶلٸگٸ ومبى قارعا باتىپ قالعان.
حابار تٷسكەن سوڭ وقيعا ورنىنا شەمونايحا اۋداندىق تجب-نىڭ قۇتقارۋشىلارى كەلٸپ جەتتٸ. جەرگٸلٸكتٸ شارۋا قوجالىقتارىنىڭ ەكٸ تراكتورىنىڭ ارقاسىندا كٶلٸك قاردان شىعارىلىپ, 3 جولاۋشىسىمەن بٸرگە سول ماڭداعى اۋىلداردىڭ بٸرٸنە جەتكٸزٸلگەن.
سونىمەن قاتار تاڭعى ساعات 05.50 شاماسىندا جارما اۋدانىنداعى «ٶسكەمەن-الماتى» تاسجولىنىڭ 70-شٸ شاقىرىمىندا «BMW» كٶلٸگٸنە كٶمەك كٶرسەتٸلدٸ. ونىڭ ٸشٸندە 2 جولاۋشى بولعان. انىقتالعانداي, كٶلٸك جولدا كەلە جاتىپ سىنىپ قالعان.
ايتا كەتەيٸك, وسىعان دەيٸن وبلىستىق تجد جەل جىلدامدىعى سەكۋندىنا 15-25 مەترگە دەيٸن جەتەتٸنٸن حابارلاعان بولاتىن.
