سۋرەت اشىق دەرەككٶزدەن الىندى
ورتالىق كوممۋنيكاتسييالار قىزمەتٸندە ٶتكەن بريفينگتە ٸشكٸ ٸستەر مينيسترٸنٸڭ ورىنباسارى يگور لەپەحا ەلٸمٸزگە 2022 جىلدىڭ 1 قىركٷيەگٸنە دەيٸن ەكەلٸنگەن اۆتوكٶلٸكتەردٸ زاڭداستىرۋ قاشان باستالاتىنىن ايتتى, دەپ حابارلايدى قازاقپارات اگەنتتٸگٸ.
«ٷكٸمەت 11 قاڭتاردا ەل اۋماعىنا 2022 جىلعى 1 قىركٷيەككە دەيٸن ەكەلٸنگەن كٶلٸك قۇرالدارىنىڭ جەكەلەگەن ساناتتارىن باستاپقى تٸركەگەنٸ ٷشٸن الىم مٶلشەرلەمەسٸن قولدانۋدىڭ جەنە وسىنداي كٶلٸك قۇرالدارىن ەكەلۋدٸ جٷزەگە اسىرعان جەكە تۇلعالاردى ٶندٸرۋشٸلەردٸڭ كەڭەيتٸلگەن مٸندەتتەمەلەرٸنەن بوساتۋدىڭ قاعيدالارىن بەكٸتتٸ. ەرەجەلەر العاشقى رەسمي جارييالانعان كٷننەن كەيٸن كٷنتٸزبەلٸك ون كٷن ٶتكەن سوڭ قولدانىسقا ەنگٸزٸلەدٸ. ياعني, ەرەجەلەردٸڭ بٷگٸن جارييالانعانىن ەسكەرە وتىرىپ, ولار 2023 جىلدىڭ 23 قاڭتارىندا, دٷيسەنبٸدە كٷشٸنە ەنەدٸ جەنە سول كٷننەن باستاپ بٸز شەتەلدٸك اۆتوكٶلٸكتەردٸ زاڭداستىرۋعا كٸرٸسەمٸز», - دەدٸ يگور لەپەحا.
ونىڭ ايتۋىنشا, ەنگٸزٸلگەن تيٸستٸ ٶزگەرٸستەرگە سەيكەس, زاڭداستىرىلاتىن كٶلٸكتەردٸڭ يەلەرٸ ۋتيليزاتسييالىق الىم تٶلەمەيدٸ.
«زاڭداستىرۋ كەزٸندە ۋتيليزاتسييالىق الىم تالاپ ەتٸلمەيدٸ. كٶلٸك يەلەرٸ تەك 200 000 تەڭگە مٶلشەرٸندەگٸ بٸر رەتتٸك تٶلەم جاسايدى. بۇل جۇمىستار ٷكٸمەت بەكٸتكەن تيٸستٸ قاعيدالار مەن تالاپتارعا ساي جٷرگٸزٸلەدٸ. بٸرٸنشٸدەن, كٶلٸك 2022 جىلدىڭ 1 قىركٷيەگٸنە دەيٸن ەلگە ەكەلٸنۋٸ كەرەك. ەكٸنشٸدەن, ول ٸزدەۋدە بولماۋى تيٸس. ٷشٸنشٸدەن, باسقا مەملەكەتتە بۇرىنعى تٸركەلگەن جەرٸ بويىنشا ەسەپتەن شىعارىلۋى قاجەت. سوڭعىسى - كەدەندٸك تەكسەرۋدەن ٶتۋٸ كەرەك», - دەپ تٷسٸندٸردٸ ٸشكٸ ٸستەر مينيسترٸنٸڭ ورىنباسارى.
