فوتو: بەلارۋس پرەزيدەنتٸنٸڭ رەسمي سايتىنان
قازاقستاندىق جاس ورىنداۋشى شەرحان ارىستان «ۆيتەبسكٸدەگٸ سلاۆيان بازارى» حالىقارالىق ٶنەر فەستيۆالٸ اياسىندا ٶتٸپ جاتقان «ۆيتەبسك» XXI حالىقارالىق بالالار مۋزىكالىق بايقاۋىنىڭ گران-پريٸن جەڭٸپ الدى, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قازىلار القاسى 12 جاستاعى شەرحانعا كونكۋرستىڭ 2 كٷنٸندە دە جوعارى باعا (70 بالل) بەردٸ. وسىلايشا, وتانداسىمىز جالپى سانى 140 بالل جيناپ, ەڭ جوعارى نەتيجەگە قول جەتكٸزدٸ.
ەكٸنشٸ ورىندى جەرگٸلٸكتٸ جاس ٶنەرپاز سوفييا رۋستاموۆا (136 ۇپاي) السا, ٷشٸنشٸ ورىندى ارمەنييالىق انايت گالستيان (133 ۇپاي) يەلەندٸ. كونكۋرسقا 8-14 جاس ارالىعىنداعى بارلىعى 18 ەلدٸڭ جاس ورىنداۋشىلارى قاتىستى.
بايقاۋدىڭ العاشقى كٷنٸندە شەرحان اندرەا بوچەللي, دەۆيد فوستەر جەنە ەمي فوستەردٸڭ "Ama, Credi e vai" ("سٷي, سەن جەنە قادام جاسا") كومپوزيتسيياسىن ورىندادى.
ايتا كەتەيٸك, الماتى وبلىسىنىڭ تۋماسى وسىعان دەيٸن دە بٸرنەشە حالىقارالىق بايقاۋدىڭ لاۋرەاتى اتانعان.
"حالىقارالىق فەستيۆال وسىمەن اياقتالعان جوق. «ۆيتەبسكٸدەگٸ سلاۆيان بازارى» اياسىندا ەسترادالىق ەن ورىنداۋشىلار بايقاۋىندا ەلٸمٸزدٸڭ نامىسىن قۇرالاي مەيرامبەك قورعايدى.
ەرەسەكتەر بايقاۋىنا ەلەمنٸڭ 30 ەلٸنەن ٷمٸتكەر قاتىسادى. قازاقستاندىق ورىنداۋشىلار بۇعان دەيٸن اتالعان بايقاۋدىڭ بٸرنەشە مەرتە جەڭٸمپازى اتانعان. ديماش قۇدايبەرگەن (2015 ج.) مەن رۋحييا بايدٷكەنوۆا (2021 ج.) گران-پري جەڭٸپ السا, ەر جىلدارى مارجان اراپباەۆا, ەلٸشەر كەرٸموۆ, مارحابا سەبي جەنە باسقا دا وتاندىق ٶنەرپازدار جوعارى ماراپاتقا قول جەتكٸزگەن ەدٸ" - دەلٸنگەن مينيسترلٸك حابارلاماسىندا.
