ٶزبەكستان پرەزيدەنتٸ شاۆكات ميرزياەۆ اق ٷيگە ساپارىن قورىتىندىلاۋ جيىنىندا ٶزبەكستاننىڭ ادام قۇقىعى بويىنشا وسى ۋاقىتقا دەيٸن قول جەتكەن جەتٸستٸكتەرٸندە “شەگٸنۋ” بولمايدى دەپ مەلٸمدەدٸ. بۇل تۋرالى ازاتتىق جازدى.
مامىردىڭ 16-سى كٷنٸ ەكٸ ەل اراسىندا جاسالعان “ستراتەگييالىق ەرٸپتەستٸكتٸڭ جاڭا دەۋٸرٸ” اتتى مەلٸمدەمەدە ترامپ ميرزياەۆ ەل بيلٸگٸنە كەلگەلٸ بەرٸ “ٶزبەكستاننىڭ ماڭىزدى ساياسي, ەكونوميكالىق جەنە ەلەۋمەتتٸك رەفورمالار جاساۋ بويىنشا ٶتە ٷلكەن جەتٸستٸكتەرٸن مويىندايدى” دەپ كٶرسەتكەن.
ميرزياەۆتىڭ “ار-ۇجدان تۇتقىندارىن بوساتىپ, بالا ەڭبەگٸن پايدالانۋ جٷيەسٸنەن الشاقتاۋعا جەنە كٷشتەپ جۇمىس ٸستەتۋدٸ ازايتۋعا" كٷش سالعانىن اتاپ كٶرسەتكەن اق ٷي "پرەزيدەنت ترامپ پرەزيدەنت ميرزياەۆتىڭ ٶزبەكستانداعى ادام قۇقىعى جاعدايىن جاقسارتۋ بويىنشا امبيتسييالىق رەفورمالارىن قۇپتايدى" دەپ جازعان.
“بۇل جەتٸستٸكتەر اقش-پەن ەكونوميكالىق, ساياسي جەنە قاۋٸپسٸزدٸك بويىنشا ەرٸپتەستٸكتٸڭ دامۋىنا جول اشتى” دەگەن اق ٷي اقش-قا العاشقى رەسمي ساپارىندا ميرزياەۆ ەلدەگٸ “دٸني بوستاندىقتى ٸلگەرٸلەتۋ ٷشٸن ايقىن باعىتتاردا جىلجۋ مٸندەتٸن الدى” دەپ مەلٸمدەدٸ.
ال ميرزياەۆ "ٶزبەك حالقىنىڭ مٷددەسٸن بٸرٸنشٸ ورىنعا قويا" وتىرىپ, ەلدەگٸ ادام قۇقىعى جەنە بوستاندىق جاعدايىن ەرٸ قاراي جاقسارتا بەرەتٸنٸن ايتقان.
ٶزبەكستان پرەزيدەنتٸ شاۆكات ميرزياەۆتىڭ اقش-قا رەسمي ساپارى 16 مامىردا باستالدى. ساپار بارىسىندا ەكٸ ەل اراسىندا قۇنى 4 ميلليارد دوللار بولاتىن كەلٸسٸم-شارتتارعا قول قويىلادى دەپ حابارلاندى.
