رەسەيلٸك وپپوزيتسيونەر الەكسەي ناۆالنىيدى ەمدەپ جاتقان گەرمانييالىق "شاريتە" كلينيكاسى بۋندەسۆەر زەرتحاناسىنىڭ جەنە بريتانييا ەسكەرٸنٸڭ ۋ بويىنشا ماماندارىنان كٶمەك سۇرادى. بۇل تۋرالى Der Spiegel جۋرنالىنىڭ دەرەككٶزدەرٸ حابارلادى.
جۋرنالدىڭ مەلٸمەتٸنشە, كلينيكا ميۋنحەندەگٸ ۋ جەنە ەسكەري حيمييالىق زاتتار جٶنٸندە گەرمانييانىڭ ٷزدٸك ماماندارى جۇمىس ٸستەيتٸن جابىق ەسكەري زەرتحاناعا ٶتٸنٸش بٸلدٸرگەن. سونىمەن قاتار كلينيكا بريتانييالىق "پورتون-داۋن" ەسكەري زەرتحاناسىنان دا كەڭەس سۇراعان. بۇل زەرتحانا رەسەي بارلاۋ قىزمەتٸنٸڭ بۇرىنعى وفيتسەرٸ سەرگەي سكريپال مەن ونىڭ قىزىنا دياگنوز قويۋمەن اينالىسقان.
ناۆالنىي 20 تامىزدان بەرٸ كومادا جاتىر. جۇما, 28 تامىز كٷنٸ كلينيكا ساياساتكەردٸڭ دەنساۋلىعى جٶنٸندە ەسەبٸن جارييالادى. اقپاراتقا سەيكەس, ول ەلٸ دە ٶكپەنٸ جاساندى جەلدەتۋ اپپاراتىمەن تىنىس الىپ جاتىر, بٸراق جاعدايى تۇراقتى. "ۋلانۋدىڭ ۇزاقمەرزٸمدٸ سالدارى تۋرالى ايتۋعا ەلٸ تىم ەرتە" دەلٸنگەن مەلٸمدەمەدە.
ناۆالنىي 20 تامىز كٷنٸ ومبى قالاسىنىڭ اۋرۋحاناسىنا ەسسٸز كٷيدە تٷسكەن. دەرٸگەرلەر ونى جاساندى كوماعا جٸبەرگەن. رەسەيلٸك دەرٸگەرلەر ساياساتكەردٸڭ مۇنداي حالگە نە سەبەپتٸ تٷسكەنٸن انىقتاي الماعان, ال نەمٸس دەرٸگەرلەرٸ ونىڭ ۋلانعان بولۋى مٷمكٸن ەكەنٸن ايتادى. ولاردىڭ سٶزٸنشە, ساياساتكەر حولينەستەراز ينگيبيتورىمەن ۋلانعان بولۋى ىقتيمال. حيمييالىق زاتتاردىڭ بۇل ساناتىنا "نوۆيچوك" جەنە زارين سەكٸلدٸ ۋلاعىش زاتتار, پەستيتسيدتەر مەن كەيبٸر دەرٸلەر كٸرەدٸ.
وپپوزيتسيونەردٸڭ جاقتاستارى ونىڭ ۋلانعانىنا سەنٸمدٸ. باتىس ساياساتكەرلەرٸ تەرگەۋ جٷرگٸزۋدٸ تالاپ ەتەدٸ. رەسەي تاراپى ەلٸ قىلمىستىق ٸس قوزعامادى – بيلٸك ٶكٸلدەرٸ وپپوزيتسيونەردٸ ۋلادى دەگەن زاتتىڭ انىقتالۋىن كٷتۋ كەرەك دەيدٸ.
