پاۆلودار وبلىسىندا قازاقستان ازاماتتىعى تۋرالى زاڭنامانى بۇزعان 27 ادام انىقتالدى, دەپ حابارلايدى ult.kz.
وبلىستىق پوليتسييا دەپارتامەنتٸنٸڭ كٶشٸ-قون قىزمەتٸنٸڭ مەلٸمەتٸنشە, قازاقستان زاڭناماسىندا قوس ازاماتتىققا جول بەرٸلمەيدٸ. ەگەر قر ازاماتى باسقا مەملەكەتتٸڭ ازاماتتىعىن السا, قازاقستان ازاماتتىعى بەلگٸلەنگەن تەرتٸپپەن توقتاتىلادى.
جىل باسىنان بەرٸ وبلىستا 398 ادام قازاقستان ازاماتتىعىنان ايىرىلعان. كٶشٸ-قون زاڭناماسىن بۇزعان 40 ازامات ەكٸمشٸلٸك جاۋاپكەرشٸلٸككە تارتىلىپ, ونىڭ جەتەۋٸ ەلدەن شىعارىلعان.
پوليتسييا مەلٸمەتٸنشە, انىقتالعانداردىڭ بٸرٸ شەتەل ازاماتتىعىن 2015 جىلى العانىنا قاراماستان, بۇل تۋرالى ۋەكٸلەتتٸ ورگاندارعا حابارلاماعان. تاعى بٸر ازامات شەتەل ازاماتتىعىن العاننان كەيٸن قازاقستان شەكاراسىنان قر پاسپورتىمەن ٶتكەن.
قوس ازاماتتىققا قاتىستى تالاپتاردى بۇزعاندارعا 432 250 تەڭگە ايىپپۇل سالىنۋى نەمەسە ەلدەن شىعارىلۋى مٷمكٸن.
ال قازاقستان ازاماتتىعىن جوعالتقاننان كەيٸن قر قۇجاتتارىن پايدالانعاندار ٷشٸن 200 اەك, ياعني 865 مىڭ تەڭگە ايىپپۇل قاراستىرىلعان.
