Pavlodar oblysynda Qazaqstan azamattyǵy týraly zańnamany buzǵan 27 adam anyqtaldy, dep habarlaidy ult.kz.
Oblystyq politsiia departamentiniń kóshi-qon qyzmetiniń málimetinshe, Qazaqstan zańnamasynda qos azamattyqqa jol berilmeidi. Eger QR azamaty basqa memlekettiń azamattyǵyn alsa, Qazaqstan azamattyǵy belgilengen tártippen toqtatylady.
Jyl basynan beri oblysta 398 adam Qazaqstan azamattyǵynan aiyrylǵan. Kóshi-qon zańnamasyn buzǵan 40 azamat ákimshilik jaýapkershilikke tartylyp, onyń jeteýi elden shyǵarylǵan.
Politsiia málimetinshe, anyqtalǵandardyń biri shetel azamattyǵyn 2015 jyly alǵanyna qaramastan, bul týraly ýákiletti organdarǵa habarlamaǵan. Taǵy bir azamat shetel azamattyǵyn alǵannan keiin Qazaqstan shekarasynan QR pasportymen ótken.
Qos azamattyqqa qatysty talaptardy buzǵandarǵa 432 250 teńge aiyppul salynýy nemese elden shyǵarylýy múmkin.
Al Qazaqstan azamattyǵyn joǵaltqannan keiin QR qujattaryn paidalanǵandar úshin 200 AEK, iaǵni 865 myń teńge aiyppul qarastyrylǵan.
