اقتاۋدا اباي اتىنداعى مەدەني-دەمالىس كەشەنٸندە ەبٸش كەكٸلبايۇلىنىڭ 80 جىلدىعى اياسىندا سالتاناتتى جيىن ٶتتٸ, دەپ حابارلايدى "ۇلت اقپارات".
رەسپۋبليكانىڭ تٷكپٸر-تٷكپٸرٸنەن ابىز جازۋشىنىڭ 100-گە جۋىق زامانداسى جينالدى.
جيىندا سٶز العان ايماق باسشىسى سەرٸكباي ترۇموۆتىڭ ايتۋىنشا, ويدان, قىردان, الىستان, جاقىننان اعىلعان اعايىن, سان مىڭ جىلدىقتاردا بٸرتۋار تۇلعا ٶز ەبٸشٸن ٸزدەيدٸ. كەزدەسۋدٸ اڭسايدى. رۋحىمەن تٸلدەسەدٸ.
«قازاقتىڭ دارحان دالاسىن تولتىرىپ تۇرار حالقىم بولسا دەيمٸن, تٶبەسٸ قارايعان ەربٸر زاتقا قۋانامىن» دەپ ارمانداۋمەن, قۋانۋمەن ٶمٸر سٷرگەن ەبٸش اعانىڭ كٶكٸرەك سارايى دارييا, پەيٸلٸ نەتكەن كەڭ ەدٸ. ەدەتتە, بٸز كٶزٸ تٸرٸسٸندە حالقىنا قالقان بولا بٸلگەن, بويىنداعى بار كٷش-قۋاتى, بٸلٸم-بٸلٸگٸ, قابٸلەت-قارىمىن ەلٸنٸڭ بولاشاعى ٷشٸن ارناعان, اتام قازاق رۋحىن جالپى ەلەمگە پاش ەتكەن كەسەكتٸ ەر ەكەنٸن بٸلەمٸز. سٸز بەن بٸزدٸڭ وسىناۋ مەرەيلٸ كەزەڭدە باس قوسۋداعى ۇلى ميسسييامىز دا سول عيبراتتى عۇمىر يەسٸن ۇلىقتاپ, ارتىنا ميراس ەتكەن مۇراسىن قاستەرلەۋ بولسا كەرەك«, - دەدٸ سەرٸكباي ترۇموۆ.
ٶڭٸر ەكٸمٸ ابىز جازۋشىمەن بٸرگە ساپارلاس, دەمدەس بولىپ, جٷزدەسكەن ەر سەت قىمبات تاريحقا, قۇندى ەستەلٸككە تەڭ ەكەنٸن ايتتى.
»قازاقتىڭ كەڭ دالاسىن كەۋدەسٸنە سىيعىزا بٸلگەن اعامىزدىڭ الىپ تۇلعاسى, بولمىس-بٸتٸمٸ, جان-دٷنيەسٸ ٶزٸ تۋعان توپىراققا ەرەكشە جاقىن ەدٸ. «ەندٸ مەن دٷنيەنٸڭ قاي قىرىندا جٷرسەم دە وسى جەردٸ ۇمىتپايتىن كٶرٸنەم», دەپ ٶزٸ ايتقانداي, اتا كٷلدٸك, التىن قازىق - تۋعان جەرٸنە دەگەن مەيٸرٸم, ماحابباتى شەكسٸز ەدٸ. كٶزٸ تٸرٸسٸندە تالاي ەلدٸڭ يگٸ جاقسىلارىن ەرتٸپ كەلٸپ, ماڭعىستاۋدىڭ ەر تاسىن, ەر تٶبەسٸن قادٸرلەيتٸن ەدٸ. ەرەكشە ماقتانىشپەن, باعزى زامانمەن بايلانىستىرا وتىرىپ, بايانداي جٶنەلەتٸن«, - دەيدٸ ٶڭٸر باسشىسى.
س.ترۇموۆ اتاپ ٶتكەندەي, ەبٸر كەكٸلبايۇلى ەلباسىمەن بٸرگە جٷرٸپ, تەۋەلسٸز قازاقستاننىڭ ٸرگەسٸن بەكٸتٸپ, مەملەكەتشٸلدٸكتٸڭ, ساياسي قايراتكەرلٸكتٸڭ سىندارلى ٷلگٸسٸن كٶرسەتە بٸلدٸ.
ول سونداي-اق ماڭعىستاۋ ٶڭٸرٸنە ساپارى بارىسىندا مەملەكەت باسشىسى قاسىم-جومارت توقاەۆ جازۋشىنىڭ مەرەيتويىن جوعارى دەڭگەيدە ٶتكٸزۋدٸ جٷكتەگەنٸن ەسكە الدى.
ەسكە سالايىق, 10 قازان كٷنٸ قازاقستان پرەزيدەنتٸ ق.توقاەۆ اقتاۋدا ەدەبيەت الىبى ەبٸش كەكٸلبايۇلىنا قويىلعان ەسكەرتكٸشتٸڭ سالتاناتتى اشىلۋىنا قاتىستى. سونداي-اق قالامگەردٸڭ اتىنداعى تاريحي-ٶلكەتانۋ مۋزەيٸن ارالاپ كٶردٸ.
