سۋرەت اشىق دەرەككٶزدەن الىندى
سەنات سپيكەرٸ مەۋلەن ەشٸمباەۆ ۇلتتىق قوردان بٶلٸنگەن قارجىنىڭ يگەرٸلۋٸنە قاتىستى پٸكٸر بٸلدٸردٸ, - دەپ حابارلايدى Tengrinews.kz سايتى.
سەنات وتىرىسىندا مەۋلەن ەشٸمباەۆ بيلٸكتٸڭ الدىندا قاراجاتتى 100 ميلليارد دوللارعا دەيٸن ۇلعايتۋ مٸندەتٸ تۇرعانىنا قاراماستان, ۇلتتىق قور قاراجاتىنىڭ قىسقارۋ ٷردٸسٸن اتاپ ٶتتٸ.
"قازٸر بٸز ۇلتتىق قور قارجىسىنىڭ تٶمەندەۋ تەندەنتسيياسىن كٶرٸپ وتىرمىز. كەيٸنگٸ 8 جىلدا ۇلتتىق قورىمىزدىڭ قارجىسى 73 ميلليارد دوللاردان 57 ميلليارد دوللارعا دەيٸن تٷسكەن. ياعني, تٶمەندەۋ تەندەنتسيياسىنا كۋە بولىپ وتىرمىز. بٸراق سونىمەن بٸرگە ۇلتتىق قور قارجىسىن 100 ميلليارد دوللارعا دەيٸن جەتكٸزۋ تۋرالى پرەزيدەنت تاپسىرماسىن دا ورىنداۋىمىز كەرەك. الدا مەجٸلٸستٸڭ جاڭا دەپۋتاتتارى كەلەدٸ, جاڭا پارتييالار, جاڭا كٷن تەرتٸبٸ العا شىعادى. جاڭا باستامالارعا اقشا سۇرايدى. ولاردىڭ ٶز مٸندەتتەرٸ بار ەكەنٸ تٷسٸنٸكتٸ. داۋىس بەرۋشٸلەرگە جۇمىس ٸستەپ جاتقانىن كٶرسەتۋٸ كەرەك. بٷگٸندە ۇلتتىق قور قاراجاتىن پايدالانۋ مەسەلەسٸ, جالپى ەكونوميكانىڭ دامۋى وڭاي بولىپ تۇرعان جوق. سوندىقتان بەرٸمٸز قارجىلىق تەرتٸپكە كەلۋٸمٸز كەرەك", - دەدٸ ول.
ول قارجى مينيسترٸ ەرۇلان جاماۋباەۆقا دەپۋتاتتاردىڭ الداعى كەزەڭدە قارجىلىق تەرتٸپتٸ ساقتاۋىن قاداعالاۋعا شاقىردى.
