جەتٸسۋ وبلىسىندا ۋران كونتسەنتراتىن قازاقستاننان زاڭسىز شىعارۋعا ەرەكەت جاساعان التى ادامعا قاتىستى سوت ٷكٸمٸ شىقتى, دەپ حابارلايدى ult.kz.
تەرگەۋ مەلٸمەتٸنشە, سوتتالۋشىلار يادرولىق ماتەريالدارمەن زاڭسىز اينالىسىپ, ۋران كونتسەنتراتىن قىتايعا ٶتكٸزۋدٸ كٶزدەگەن. ولار ۇيىمداسقان تٷردە ەرەكەت ەتٸپ, راديواكتيۆتٸ زاتتاردى زاڭسىز يەمدەنۋ, ساقتاۋ, تاسىمالداۋ جەنە مەملەكەتتٸك شەكارا ارقىلى الىپ ٶتۋدٸڭ سحەماسىن قۇرعان.
ٸس ماتەريالدارىنا سەيكەس, قىلمىستىق جوسپار بٸرنەشە كەزەڭنەن تۇرعان. الدىمەن ۋران كونتسەنتراتى ٶندٸرٸستٸك كەسٸپورىن اۋماعىنان جاسىرىن شىعارىلعان. كەيٸن ول ەرتٷرلٸ ادامدار ارقىلى تاسىمالدانىپ, شەكارادان ٶتكٸزٸلمەك بولعان.
الايدا «نۇر جولى» ٶتكٸزۋ بەكەتٸندە جٷرگٸزٸلگەن شەكارالىق باقىلاۋ كەزٸندە كٷدٸكتٸ جٷك انىقتالدى. ساراپتاما نەتيجەسٸندە تەركٸلەنگەن زاتتاردىڭ ۋران كونتسەنتراتى ەكەنٸ جەنە ونىڭ راديواكتيۆتٸلٸك دەڭگەيٸ بەلگٸلەنگەن نورمادان بٸرنەشە ەسە جوعارى بولعانى بەلگٸلٸ بولدى.
سوت شەشٸمٸمەن ٷش ايىپتالۋشى 7 جىل 6 اي مەرزٸمگە باس بوستاندىعىنان ايىرىلدى. تاعى ەكٸ ادام 2 جىل 6 ايعا سوتتالسا, بٸر سوتتالۋشى 4 جىل 6 ايعا باس بوستاندىعىنان ايىرىلدى.
بارلىعى جازالارىن ورتاشا قاۋٸپسٸزدٸك مەكەمەلەرٸندە ٶتەيتٸن بولادى.
