جىل باسىنان بەرٸ قازاقستاننان جانار-جاعارماي ماتەريالدارىن زاڭسىز شىعارۋدىڭ 712 ەرەكەتٸنٸڭ جولى كەسٸلدٸ, دەپ حابارلايدى ult.kz.
قارجىلىق مونيتورينگ اگەنتتٸگٸ حابارلاۋىنشا, مۇناي ٶنٸمدەرٸنٸڭ زاڭسىز اينالىمى مەن كونترابانداسى دەرەكتەرٸ بويىنشا 8 سوتقا دەيٸنگٸ تەرگەپ-تەكسەرۋ باستالعان.
مەسەلەن, ماڭعىستاۋ وبلىسىندا 2022 جىلدان بەرٸ ەسەپكە الىنباعان 28,5 مىڭ توننادان استام مۇنايدى ٶڭدەگەن زاڭسىز شاعىن مۇناي ٶڭدەۋ زاۋىتىنىڭ قىزمەتٸ ەشكەرەلەندٸ. تەرگەۋ مەلٸمەتٸنە سەيكەس, ٶندٸرٸلگەن ٶنٸم مازۋت رەتٸندە رەسٸمدەلٸپ, كەيٸن شەتەلگە شىعارىلىپ وتىرعان.
ال تٷركٸستان وبلىسىندا مەملەكەتتٸك شەكارا استىنان ارنايى قازىلعان توننەل ارقىلى ٶزبەكستانعا بەنزين كونترابانداسىن ۇيىمداستىرعان ترانسۇلتتىق قىلمىستىق توپتىڭ ەرەكەتٸ توقتاتىلدى. سوت شەشٸمٸمەن اتالعان ٸسكە قاتىسى بار تۇلعالار ۇزاق مەرزٸمگە باس بوستاندىعىنان ايىرىلدى.
سونىمەن قاتار, قىرعىزستانعا اي-92 ماركالى بەنزيندٸ زاڭسىز تاسىمالداۋمەن اينالىسقان قىلمىستىق توپقا قاتىستى تەرگەۋ اياقتالدى. تەرگەۋ بارىسىندا زاڭسىز شىعارىلعان جانارماي كٶلەمٸ 190 مىڭ توننادان اسىپ, ونىڭ جالپى قۇنى 37 ميلليارد تەڭگەدەن جوعارى بولعانى انىقتالعان.
قما مەلٸمەتٸنشە, كەزەكتٸ زاڭسىز تاسىمالداۋ ەرەكەتٸ كەزٸندە «تٷركسٸب» ستانتسيياسىندا شامامەن 500 توننا بەنزين تيەلگەن سەگٸز تەمٸرجول تسيستەرناسى ۇستالدى. قۇنى 138 ميلليون تەڭگە بولاتىن تەركٸلەنگەن جانارماي مەملەكەت كٸرٸسٸنە ٶتكٸزٸلدٸ.
