كانديداتتاردىڭ سايلاۋ الدىنداعى پٸكٸرسايىسىن ٶتكٸزۋ ٷشٸن 63 ملن تەڭگە جۇمسالادى. بۇل تۋرالى بٷگٸن قر ورتالىق سايلاۋ كوميسسيياسىنىڭ مٷشەسٸ اناستاسييا ششەگورتسوۆا ايتتى, دەپ حابارلايدى قازاقپارات.
وسك وتىرىسىنان كەيٸن ۇيىمداستىرىلعان باسپاسٶز مەسليحاتىندا باق ٶكٸلدەرٸ تەلەدەبات ٶتكٸزۋ ٷشٸن «حابار» تەلەارناسىنا قانشا قاراجات بٶلٸنەتٸنٸن سۇراعان ەدٸ.
«حابار» تەلەارناسىنىڭ ٶتٸنٸمٸ بويىنشا 63 ملن تەڭگە بٶلٸنەدٸ», - دەپ جاۋاپ بەردٸ اناستاسييا ششەگورتسوۆا.
ال «حابار» اگەنتتٸگٸ» اق باسقارما تٶراعاسىنىڭ ورىنباسارى دەۋلەتحان جيەنقۇلوۆ بۇل قاراجاتتىڭ قايدا جۇمسالاتىنىن ايتتى.
«بٸرٸنشٸدەن, كەلٸسٸمشارت جاسالسىن, قاراجات قازىناعا تٷسسٸن. سودان كەيٸن ايتامىز. ەكٸنشٸدەن, تٸكەلەي ەفير كەزٸندەگٸ بايلانىسقا, دەكوراتسيياعا, ستۋدييا جابدىقتاۋعا, جارىققا جۇمسالادى. بۇل بٸر رەت قانا بولاتىن ٸس-شارا بولعاندىقتان ارنايى ستۋدييا جاسالادى. قوسىمشا ادامداردى جۇمىسقا تارتۋعا دا قارجى جۇمسالادى. ەندٸ تەلەۆيدەنيەنٸڭ تەحنولوگيياسىن بٸلەتٸن ادام اقشانىڭ قايدا جۇمسالاتىنىن بٸلەدٸ دەپ ويلايمىن», - دەدٸ ول.
وسى ورايدا اناستاسييا ششەگورتسوۆا تەلەارنانىڭ بيىلعى بيۋدجەتٸندە تەلەدەبات ٶتكٸزۋگە قاراجات قاراستىرىلماعانىن اتاپ ٶتتٸ.
«بۇل قاراجات ورتالىق سايلاۋ كوميسسيياسىنىڭ شىعىندار سمەتاسىندا قاراستىرىلعان. زاڭعا سەيكەس, وسك-نٸڭ دەبات ٶتكٸزۋگە مٷمكٸندٸگٸ بار», - دەدٸ وسك مٷشەسٸ.
