پرەزيدەنتتٸككە كانديدات سالتانات تۇرسىنبەكوۆا سايلاۋالدى ٷگٸت-ناسيحات ناۋقانى كەزٸندە 12 وبلىستا بولدى. ول استانا, شىمكەنت جەنە الماتى قالالارىندا, اقمولا, اتىراۋ, شىعىس قازاقستان, قاراعاندى, قوستاناي, ماڭعىستاۋ, پاۆلودار, سولتٷستٸك قازاقستان, تٷركٸستان وبلىستارىندا تۇرعىندارمەن, حالىقتىڭ ەرتٷرلٸ توپتارىمەن كەزدەسۋ ٶتكٸزدٸ, دەپ حابارلايدى كانديدات شتابىنىڭ باسپاسٶز قىزمەتٸ.
استانا
21 قازاندا كانديداتتىڭ شتابىندا ۇيىمداستىرۋ كوميتەتٸنٸڭ وتىرىسى ٶتتٸ. قاتىسۋشىلار دايىندىق جۇمىسىنداعى جاعدايدى, سونداي-اق الداعى جوسپارلاردى تالقىلادى.
22 قازاندا رەسپۋبليكالىق شتابتىڭ رەسمي اشىلۋى ٶتتٸ. رەسپۋبليكالىق شتابقا بەينەبايلانىس ارقىلى ايماقتىق بٶلٸمشەلەر قوسىلدى. كەزدەسۋ بارىسىندا ٷگٸت-ناسيحات جۇمىستارىن جٷرگٸزۋ مەسەلەلەرٸ, الداعى جوسپارلار, سونداي-اق كانديداتتىڭ سايلاۋالدى باعدارلاماسى تالقىلاندى.
23 قازاندا كانديداتتىڭ ٶزٸ استانا قالاسىنىڭ كٶشەلەرٸنە ٶزٸنٸڭ العاشقى ٷگٸت-ناسيحات پلاكاتىن جاپسىرۋ ٷشٸن شىقتى. وسىلايشا, ەل استاناسى مەن ٶڭٸرلەرٸندە شتاب كوماندالارى ٸسكە قوسىلدى.
24 قازاندا كانديدات قۇقىق قورعاۋشىلارمەن كەزدەستٸ. سالتانات تۇرسىنبەكوۆا ناشاقورلىق, قۇمار ويىندار مەن ماسكٷنەمدٸك, تۇرمىستىق زورلىق-زومبىلىق پەن سىبايلاس جەمقورلىق سيياقتى مەسەلەلەردٸڭ كەڭ ەتەك جايۋىنا جول بەرۋگە بولمايتىنىن ايتتى.
25 قازاندا رەسپۋبليكا كٷنٸنە ارنالعان چەللەندج اياسىندا قولىنا ەلٸمٸزدٸڭ تۋىن كٶتەرٸپ, جٷگٸردٸ.
قاراعاندى
26 قازاندا كانديدات سايلاۋالدى ٷگٸت-ناسيحات جۇمىستارى اياسىندا ايماقتاردى ارالاۋدى باستادى. العاشقى ٶڭٸر قاراعاندى وبلىسى بولدى.
قاراعاندىدا كانديدات قۇقىق قورعاۋشىلارمەن, زاڭگەرلەرمەن, تٷرلٸ ٷكٸمەتتٸك ەمەس ۇيىمداردىڭ ٶكٸلدەرٸمەن كەزدەستٸ. كەزدەسۋ بارىسىندا كانديدات ٶزٸنٸڭ تەلەفون نٶمٸرٸن كٶپشٸلٸككە جارييالادى.
ودان كەيٸن ٷمٸتكەر تۇرمىستىق زورلىق-زومبىلىق قۇرباندارىنا كٶمەك كٶرسەتۋ ورتالىعىندا بولدى.
كٶكشەتاۋ
27 قازان كٷنٸ قۇقىق قورعاۋشى كٶپسالالى وبلىستىق اۋرۋحانادا بولىپ, دەرٸگەرلەر مەن مەديتسينا قىزمەتكەرلەرٸنٸڭ مەسەلەلەرٸن تىڭدادى. مەديتسينا قىزمەتكەرلەرٸمەن كەزدەسۋدە تۇرسىنبەكوۆا دەرٸگەرلەردٸڭ قاتەلٸكتەرٸن دەكريمينيزاتسييالاۋ تۋرالى ايتتى.
سول كٷنٸ پرەزيدەنتتٸككە ٷمٸتكەر سالتانات تۇرسىنبەكوۆا «شانس» داعدارىس ورتالىعىندا بولدى. قۇقىق قورعاۋشى ەيەلدەردٸ ٷمٸتٸن ٷزبەۋگە جەنە بەرٸلمەۋگە – ٶزدەرٸ جەنە بالالارى ٷشٸن سوڭىنا دەيٸن كٷرەسۋگە شاقىردى.
استانا
28 قازاندا سالتانات تۇرسىنبەكوۆا ەلوردادا كٶپ بالالى انالارمەن كەزدەستٸ. كٶپ بالالى وتباسىلاردىڭ بەرٸنە بەلگٸلٸ قيىن قارجىلىق جاعداي, باسپانا مەسەلەسٸ جەنە بالالاردى وقىتۋدى ۇيىمداستىرۋ, قارىز جٷكتەمەسٸ مەسەلەلەرٸن كٶتەردٸ.
29 قازاندا تۇرسىنبەكوۆا جەكەمەنشٸك جانۋارلارعا ارنالعان پاناحانادا بولىپ, جانۋارلارعا قامقورلىق جاساۋ كەرەكتٸگٸن ايتتى.
مۇندا مىنا مەسەلەلەر كٶتەرٸلدٸ:
- جانۋارلارعا جاۋاپكەرشٸلٸكپەن قاراۋ تۋرالى 2021 جىلى قابىلدانعان زاڭ جۇمىس ٸستەمەيدٸ;
- ٷيسٸز جانۋارلارعا ارنالعان قوعامدىق پيتومنيكتەر ٸس جٷزٸندە جوق;
- جانۋارلارعا جاناشىرلىقپەن قاراۋ;
- قارجىلاندىرۋدىڭ تاپشىلىعى;
- جانۋارلارعا قايىرىمدىلىقتىڭ جەتكٸلٸكسٸزدٸگٸ.
شىمكەنت
ٷمٸتكەر 31 قازاندا شىمكەنتتە تٸگٸن فابريكاسىنىڭ 250 جۇمىسشىسىمەن ەڭگٸمەلەسٸپ, جۇمىس ٸستەيتٸن ەيەلدەردٸڭ زەينەت جاسىن تٶمەندەتۋ مەسەلەسٸن كٶتەردٸ. كەزدەسۋدە جۇمىسشىلار تابىس تەڭسٸزدٸگٸنە شاعىمداندى.
سودان كەيٸن ول قالالىق ادۆوكاتتار القاسىمەن كەزدەستٸ. ادۆوكاتتار اتىشۋلى ٸستەردٸ جارييالايتىن جۋرناليستەردٸڭ ەدٸلەتسٸز سوتتارى مەن قىسىمىنا نارازىلىق بٸلدٸردٸ. كانديدات ٶز باعدارلاماسىندا سوت-قۇقىقتىق رەفورماعا ەرەكشە كٶڭٸل بٶلٸپ وتىرعانىن اتاپ ٶتتٸ.
كەيٸنٸرەك ٷمٸتكەر 2017 جىلى ٶزٸنٸڭ «تۇرمىستىق زورلىق-زومبىلىقسىز قازاقستان» جوباسىنىڭ ارقاسىندا قۇرىلعان وتباسىن قولداۋ قىزمەتٸنە باردى.
تٷركٸستان
تۇرسىنبەكوۆا 1 قاراشادا تٷركٸستان وبلىسىندا بولدى. مۇندا ەڭ الدىمەن 1100-گە جۋىق ادام ەڭبەك ەتەتٸن كەنتاۋ ترانسفورماتور زاۋىتىنا باردى. حالىق باعانىڭ قىباتتاۋىنا, تابىستىڭ تٶمەندٸگٸنە شاعىمدانىپ, زەينەت جاسىن تٶمەندەتۋ تۋرالى ۇسىنىسى ٷشٸن كانديداتقا العىستارىن بٸلدٸردٸ.
ٷمٸتكەر سول كٷنٸ تٷركٸستان قالاسىنداعى «شاپاعات» مٷمكٸندٸگٸ شەكسٸز ادامدار قوعامداستىعىنىڭ «عيززات» موتيۆاتسييالىق ورتالىعىندا بولدى. تۇرعىندار جۇمىسقا ورنالاسۋداعى قيىندىقتارعا, جەردەماقىلاردىڭ تٶمەندٸگٸنە, وڭالتۋ ماشينالارىن پاتەنتتەي الماي جٷرگەندەرٸنە شاعىمداندى.
الماتى
3-6 قاراشا ارالىعىندا سالتانات تۇرسىنبەكوۆا الماتىدا تٷرلٸ كەزدەسۋلەر ٶتكٸزدٸ: تۇتىنۋشىلاردىڭ قۇقىقتارىن, زيياتكەرلٸك مەنشٸكتٸ قورعاۋ مەسەلەلەرٸ بويىنشا ازاماتتارمەن, قالالىق قۇقىق قورعاۋشىلارمەن جەنە قوعامدىق پٸكٸر كٶشباسشىلارىمەن, قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ ستۋدەنتتەرٸمەن, سونداي-اق «رودنيك» داعدارىس ورتالىعىنىڭ باسشىسىمەن كەزدەستٸ.
سونىمەن قاتار, ٷمٸتكەر «تەۋەلسٸزدٸك تاڭى» مونۋمەنتٸنە گٷل شوقتارىن قويىپ, جەلتوقسان وقيعاسى قۇرباندارىن ەسكە الدى.
قوستاناي
8 قاراشادا سالتانات تۇرسىنبەكوۆا قوستاناي قالاسىندا بٸرنەشە كەزدەسۋ ٶتكٸزدٸ. ەڭ الدىمەن №4 ەمحاناعا باردى. ەمحانا قىزمەتكەرلەرٸ جالاقىنىڭ ازدىعى مەن كادر تاپشىلىعى مەسەلەلەرٸن ورتاعا سالسا, ەمدەلۋشٸلەر دەرٸ-دەرمەك باعاسىنىڭ قىمباتتاۋىنا جەنە اۋرۋحاناعا جازىلۋداعى قيىندىقتارعا شاعىمداندى.
ودان كەيٸن كانديدات قۇقىق قورعاۋشىلارمەن جەنە زاڭگەرلەرمەن كەزدەسۋ ٶتكٸزدٸ. وندا ول ەلدەگٸ باسشىلىق لاۋازىمدارداعى ەيەلدەر ٶكٸلدٸگٸنٸڭ تٶمەندٸگٸ تۋرالى, سونداي-اق پارتييالىق تٸزٸمدە ەيەلدەردٸڭ نەمەسە جاستاردىڭ كەم دەگەندە 30% بولۋى كەرەك دەگەن كۆوتامەن كەلٸسپەۋشٸلٸك تۋرالى ايتتى.
اقتاۋ
تۇرسىنبەكوۆا 13 قاراشا كٷنٸ اقتاۋ قالاسىنداعى جالعىزباستى انالارمەن كەزدەسۋ ٶتكٸزدٸ. قۇقىق قورعاۋشى وندا ەر-ازاماتتاردىڭ اليمەنتتەن جالتارۋى مەسەلەسٸن كٶتەردٸ. كانديدات ايتقانداي, جالعىزباستى انالار «اليمەنت سۇراپ, بۇرىنعى كٷيەۋٸ مەن بٸرگە تۇراتىن ادامداردىڭ سوڭىنان جٷگٸرمەۋٸ» كەرەك.
سول كٷنٸ ٷمٸتكەر Yessenov University وقىتۋشىلارىمەن, ستۋدەنتتەرٸمەن جەنە تٷلەكتەرٸمەن كەزدەسٸپ, اۋىل جاستارىنا جاعداي جاساۋ قاجەتتٸگٸن ايتتى.
اتىراۋ
14 قاراشادا اتىراۋدا سالتانات تۇرسىنبەكوۆا قازاقستانداعى انا مەن بالا ٶلٸمٸ تاقىرىبىنا ارنالعان جيىن ٶتكٸزدٸ.
كانديدات انا مەن بالا ٶلٸمٸنٸڭ دەڭگەيٸ ەلدەگٸ جالپى مەديتسينانىڭ دامۋىن سيپاتتايتىن ماڭىزدى كٶرسەتكٸشتەردٸڭ بٸرٸ ەكەنٸن اتاپ ٶتتٸ. «ەربٸر ەيەل مەن سەبيدٸڭ ٶمٸرٸ ٷشٸن كٷرەسۋ كەرەك», دەپ ەسەپتەيدٸ تۇرسىنبەكوۆا.
ٶسكەمەن
15 قاراشادا سالتانات تۇرسىنبەكوۆا ەلٸمٸزدٸڭ شىعىسىندا بولدى.
العاشقى كەزدەسۋ جەرگٸلٸكتٸ ەكولوگييا سالاسىنىڭ بەلسەندٸلەرمەن ٶتتٸ. تۇرسىنبەكوۆانىڭ ايتۋىنشا, اۋانىڭ لاستانۋى بويىنشا ٶسكەمەن, ريددەر جەنە زىريان قالالارى الدىڭعى ورىندا تۇر. اتموسفەرالىق اۋانى لاستاۋدىڭ نەگٸزگٸ كٶزٸ 370-تەن استام كەسٸپورىننان شىعاتىن قالدىقتار بولىپ تابىلادى.
كەيٸن تۇرسىنبەكوۆا قۇقىق قورعاۋشىلارمەن كەزدەسٸپ, ولارمەن مەكتەپتەگٸ بۋللينگ تاقىرىبىن تالقىلادى. قازاقستانداعى يۋنفپا مەلٸمەتٸ بويىنشا, ەلدە بالالاردىڭ 63%-ى زورلىق-زومبىلىق پەن كەمسٸتۋشٸلٸككە كۋە بولعان, 44%-ى قۇربانى بولعان جەنە 24%-ى مەكتەپتە باسقا بالالارعا قاتىستى زورلىق-زومبىلىق پەن كەمسٸتۋشٸلٸك ەرەكەتتەرٸن جاساعان.
پاۆلودار
16 قاراشادا ٷمٸتكەر ەسٸرتكٸ تۇتىنۋشىلارى مەن ناشاقورلارعا ارنالعان ورتالىققا باردى. قۇقىق قورعاۋشى قاراپايىم مەكتەپ وقۋشىلارىنىڭ ەسٸرتكٸ «جەتكٸزۋشٸ» بولىپ جۇمىس ٸستەيتٸنٸن ايىپتادى.
ٷمٸتكەردٸڭ ايتۋىنشا, تەۋەلدٸلٸكتٸ جەڭگەن ادامداردىڭ قوعامداستىعىن قۇرۋ ماڭىزدى. ەكٸمدٸكتەر ولارعا جان-جاقتى قولداۋ كٶرسەتٸپ, كٶمەك بەرۋٸ كەرەك. قوعامنىڭ بەلسەندٸ ٶكٸلدەرٸ قىلمىسكەر مەن ناشاقوردى اجىراتۋ ٷشٸن قۇقىق قورعاۋ ورگاندارىمەن بٸرلەسٸپ جۇمىس ٸستەۋٸ كەرەك.
پەتروپاۆل
ٷمٸتكەر 17 قاراشادا سەبيت مۇقانوۆ اتىنداعى وبلىستىق ەمبەباپ عىلىمي كٸتاپحاناسىندا بولدى, وندا سىبايلاس جەمقورلىقپەن كٷرەس جەنە بيلٸكتٸ دەساكراليزاتسييالاۋ قاجەتتٸگٸ تۋرالى مەسەلەلەر كٶتەرٸلدٸ. ودان كەيٸن يۆان زەنچەنكو اتىنداعى سٷت زاۋىتىنىڭ جۇمىسشىلارىمەن ەڭگٸمەلەسٸپ, ەيەلدەر اراسىنداعى كەسٸپكەرلٸكتٸ دامىتۋ مەسەلەلەرٸ تالقىلاندى.
ەلٸمٸزدٸڭ 12 وبلىسىن ارالاعان سالتانات تۇرسىنبەكوۆا شتاب ۇجىمىمەن بٸرگە 16 مىڭ شاقىرىمنان استام جولدى جٷرٸپ ٶتتٸ.
