قر ورتالىق سايلاۋ كوميسسيياسىنىڭ مٷشەسٸ اسىلبەك سماعۇلوۆ پرەزيدەنتتٸككە كانديداتتار اراسىنداعى تەلەۆيزييالىق پٸكٸرسايىس قانشا ۋاقىتقا سوزىلاتىنىن ايتتى, دەپ حابارلايدى قازاقپارات.
«تەلەۆيزييالىق پٸكٸرسايىس «حابار» تەلەارناسىندا ٶتەدٸ. ۇزاقتىعى 80 مينۋتتان كەم بولمايدى. كٸم قاي تٸلدە سٶيلەگٸسٸ كەلەدٸ, قاي تٸلدە سۇراق قويعىسى كەلەدٸ, سول تٸلدە ٶتەدٸ. مىسالى, سايلاۋشىلاردىڭ اتىنان دا سۇراقتار كەلٸپ تٷسۋٸ مٷمكٸن. سۇراق قاي تٸلدە قويىلسا, سول تٸلدە جاۋاپ بەرەدٸ», - دەدٸ ول وسك وتىرىسىنان كەيٸن ۇيىمداستىرىلعان باسپاسٶز مەسليحاتىندا.
ال «حابار» اگەنتتٸگٸ» اق باسقارما تٶراعاسىنىڭ ورىنباسارى دەۋلەتحان جيەنقۇلوۆ تەلەۆيزييالىق پٸكٸرسايىس ۋاقىتى سوزىلۋى مٷمكٸن ەكەنٸن جوققا شىعارمادى.
«تەلەدەبات كەمٸندە 80 مينۋت بولادى دەپ وتىرمىز. ول كانديداتتاردىڭ باعدارلاماسىن تانىستىرۋىنا, سۇراقتارعا جاۋاپ بەرۋٸنە بايلانىستى ۇزارىپ كەتۋٸ دە مٷمكٸن. سوندىقتان كانديداتتارعا قانداي دا بٸر شەكتەۋ بولادى دەپ ويلامايمىن», - دەدٸ ول.
سونىمەن قاتار دەۋلەتحان جيەنقۇلوۆ اگەنتتٸكتٸڭ ەلەكتروندى پوشتاسىنا سايلاۋشىلاردان سۇراقتار كەلٸپ تٷسٸپ جاتقانىن جەتكٸزدٸ.
«سۇراقتار ۆيدەوفورماتتا بولادى. كەز كەلگەن ازامات ٶزٸ تاڭداعان كانديداتقا ساۋالىن جولداي الادى. كٸمنەن كەلسە دە, سۇراق قويىلادى. ساۋالدىڭ تٸكەلەي ەفيردە قويىلۋىنا رەگلامەنت مٷمكٸندٸك بەرمەيدٸ», - دەدٸ تەلەارنا ٶكٸلٸ.
