ساۋد ارابيياسىنىڭ مۇراگەر حانزاداسى مۇحاممەد بەن سالمان ال ساۋد سەنبٸدە جاھاندىق كليماتتىق ٶزگەرٸستەرگە قارسى ەكٸ ٸرٸ باستاما جارييالادى, دەپ حابارلايدى "ۇلت اقپارات".
Akhbar Al Saudiya جاڭالىقتار پورتالى حابارلاعانداي, تاق مۇراگەرٸ كورولدٸكتٸڭ كٶگالداندىرۋ باعدارلاماسىن ماقۇلدادى, ونىڭ اياسىندا الداعى ونجىلدىقتار ٸشٸندە 10 ميلليارد كٶشەت ەگٸلەدٸ.
سونىمەن قاتار, مۇراگەر حانزادا «اراب باۋىرلارىنىڭ كٶمەگٸمەن» «جاسىل تاياۋ شىعىس» باعدارلاماسىن ٸسكە قوسۋعا نيەتتٸ, ول بٷكٸل ايماققا 40 ميلليارد اعاش وتىرعىزۋدى كٶزدەيدٸ.
«ەلەمدەگٸ جەتەكشٸ مۇناي ٶندٸرۋشٸ رەتٸندە بٸزدٸڭ كورولدٸك كليمات ٶزگەرۋٸنٸڭ سالدارىمەن كٷرەسۋدەگٸ جاۋاپكەرشٸلٸكتٸ سەزٸنەدٸ, جاسىل ەلەم قۇرۋ جولىندا جاھاندىق كٶشباسشى بولۋعا تىرىسادى», - دەدٸ مۇحاممەد بەن سالمان.
مۇحاممەد بەن سالمان اتاپ ٶتكەندەي, ساۋد ارابيياسى كورولدٸگٸ باسقا ەلدەرمەن «پلانەتانى قورعايتىن جاسىل جول كارتاسىن جاساۋدا» ٶزارا ەرەكەتتەسەدٸ. ول 2016 جىلى قابىلدانعان «ساۋد ارابيياسىنىڭ كٶزقاراسى: 2030» ستراتەگييالىق باعدارلاماسىن ٸسكە اسىرۋ ازاماتتاردىڭ ٶمٸر سٷرۋ ساپاسىن ارتتىرۋعا مٷمكٸندٸك بەرەتٸنٸن اتاپ ٶتتٸ.
