سارايشىقتى جوشى ۇلىسى تاريحىنان بٶلٸپ الماۋعا بولمايدى. بۇل تۋرالى ەلوردادا ٶتكەن «سارايشىق - ۇلى دالا مۇراعاتى: مەملەكەتتٸك جەنە تاريحي ساباقتاستىق» اتتى دٶڭگەلەك ٷستەلدە ايتىلدى, دەپ حابارلايدى قازاقپارات.
«سارايشىقتى جوشى ۇلىسى تاريحىنان بٶلٸپ قاراۋعا بولمايدى. بٸزدە وسىنداي كەزەڭ, وسىنداي مەدەنيەتٸمٸز بولعان دەگەن يدەيانى جاس ۇرپاقتىڭ بويىنا سٸڭٸرۋ ٷشٸن سارايشىقتى جوشى ۇلىسىنداعى تاريحي كەزەڭٸندەگٸ جاعدايمەن ٷيلەستٸرٸپ تٷسٸندٸرۋٸمٸز كەرەك», - دەيدٸ ارحەولوگ زەينوللا ساماشەۆ.
ونىڭ ايتۋىنشا, سارايشىقتان باستاپ التايعا دەيٸنگٸ كەڭٸستٸكتٸڭ بەرٸندە التىن وردا مەملەكەتٸنٸڭ ٸزٸ بار.
«مەن سارايشىقتى 1988 جىلى زەرتتەي باستادىم. سول كەزدەگٸ ەڭ بٸرٸنشٸ قيىن مەسەلە - سارايشىقتىڭ مەدەني قاباتتارىن سۋ شايىپ كەتۋدەن قورعاۋ بولاتىن. سول ۋاقىتتا كٶتەرٸلگەن مەسەلە بىلتىر شەشٸلدٸ. سول كەزدە اتىراۋ وبلىسىنىڭ ەكٸمٸ نۇرلان نوعاەۆ 2 ملرد تەڭگە شاماسىندا قارجى بٶلدٸرٸپ, ولقىلىقتىڭ ورنى تولتىرىلدى», - دەيدٸ ول.
