Saraishyqty Joshy ulysy tarihynan bólip almaýǵa bolmaidy. Bul týraly elordada ótken «Saraishyq - Uly dala muraǵaty: memlekettik jáne tarihi sabaqtastyq» atty dóńgelek ústelde aityldy, dep habarlaidy QazAqparat.
«Saraishyqty Joshy ulysy tarihynan bólip qaraýǵa bolmaidy. Bizde osyndai kezeń, osyndai mádenietimiz bolǵan degen ideiany jas urpaqtyń boiyna sińirý úshin Saraishyqty Joshy ulysyndaǵy tarihi kezeńindegi jaǵdaimen úilestirip túsindirýimiz kerek», - deidi arheolog Zeinolla Samashev.
Onyń aitýynsha, Saraishyqtan bastap Altaiǵa deiingi keńistiktiń bárinde Altyn Orda memleketiniń izi bar.
«Men Saraishyqty 1988 jyly zerttei bastadym. Sol kezdegi eń birinshi qiyn másele - Saraishyqtyń mádeni qabattaryn sý shaiyp ketýden qorǵaý bolatyn. Sol ýaqytta kóterilgen másele byltyr sheshildi. Sol kezde Atyraý oblysynyń ákimi Nurlan Noǵaev 2 mlrd teńge shamasynda qarjy bóldirip, olqylyqtyń orny toltyryldy», - deidi ol.
