اقش-تىڭ رەسەيگە "ۇلىبريتانييادا رەسەيلٸك بۇرىنعى بارلاۋشى سەرگەي سكريپالگە حيمييالىق قارۋ قولدانعانى ٷشٸن" سانكتسييا سالاتىنى تۋرالى حابارى ەلەمدٸك نارىقتا رۋبل مەن رەسەيلٸك اكتسييا جەنە وبليگاتسييالار قۇنىن كٷرت تٷسٸرٸپ جٸبەردٸ.
رەسەي ۆاليۋتاسىنىڭ دوللارعا شاققانداعى باعامى 3,1 پايىزعا قۇلدىراپ, بٸر دوللار 65 رۋبل 55 تيىن بولدى. بۇل - 2015 جىلدىڭ قاراشاسىنان بەرگٸ ەڭ تٶمەنگٸ كٶرسەتكٸش. 9 تامىزدا ازيياداعى قور نارىقتارىندا دا رۋبل باعامى تٶمەندەدٸ.
رتس يندەكسٸ 8 تامىزدا 3 پايىزعا ارزاندادى. رۋبل مەن رەسەيلٸك اكتسييالار جەنە وبليگاتسييالار بۇعان دەيٸن دە باق-تا اقش كونگرەسمەندەرٸ رەسەيدٸڭ اقش-تاعى سايلاۋعا ىقتيمال كيلٸككەنٸنە جاۋاپ رەتٸندە "اۋىر سانكتسييالار" سالۋدى ۇسىنعانىن حابارلاعان سوڭ-اق اقىرىنداپ ارزانداي باستاعان.
كونگرەسمەندەر ۇسىنعان زاڭعا ٶزگەرٸستەر جوباسىندا رەسەيدٸڭ سىرتقى قارىزىنا قاتىستى سانكتسييا سالۋ قاراستىرىلعان. بۇل رەسەي ەكونوميكاسىنا اۋىر سوققى بولىپ تييۋٸ مٷمكٸن. الايدا, قارجى ساراپشىلارى كونگرەسس زاڭ جوباسىن دەل وسى كٷيٸندە قابىلداپ, وعان پرەزيدەنت دونالد ترامپ قول قويۋى ەكٸتالاي دەپ ەسەپتەيدٸ. "سىرتقى قارىزعا قاتىستى سانكتسييا - سوڭعى تەتٸك بولماق. سانكتسييا كورپوراتيۆتٸك وبليگاتسييالار مەن جەكە ادامدارعا سالىنۋى ەبدەن مٷمكٸن" دەدٸ Bloomberg اگەنتتٸگٸنە بەرگەن كوممەنتاريٸندە AllianceBernstein ينۆەستيتسييالىق كومپانيياسىنىڭ دامۋشى نارىقتاردىڭ باعالى قاعازدارى جٶنٸندەگٸ ديرەكتورى شامايلا حان.
