اتىراۋ وبلىسىندا ەكٸ جاڭا سپورت نىسانى بوي كٶتەرەدٸ. ونىڭ بٸرٸ – قۇلسارى قالاسىندا, ەكٸنشٸسٸ – اتىراۋ قالاسىندا سالىنادى. ەكٸ جوبانى دا «سامۇرىق-قازىنا» قورى جٷزەگە اسىرىپ جاتىر. باستى ماقسات – ٶڭٸر تۇرعىندارى ٷشٸن سپورتتىڭ قولجەتٸمدٸلٸگٸن ارتتىرۋ, دەپ حابارلايدى ult.kz.
قۇلسارىدا جالپى اۋماعى 1,6 مىڭ شارشى مەتردٸ قۇرايتىن دەنە شىنىقتىرۋ-ساۋىقتىرۋ كەشەنٸنٸڭ قۇرىلىسى جٷرٸپ جاتىر. مۇندا ۆولەيبول, باسكەتبول, بادمينتون, ٷستەل تەننيسٸ جەنە ۇلتتىق كٷرەسپەن اينالىسۋعا مٷمكٸندٸك بولادى. سونىمەن قاتار مەديتسينالىق كابينەت پەن جاتتىعۋلاردى ىڭعايلى ٶتكٸزۋگە قاجەتتٸ ينفراقۇرىلىم قاراستىرىلعان.
ال اتىراۋ قالاسىندا بالالار مەن ەرەسەكتەرگە, ونىڭ ٸشٸندە ەرەكشە قاجەتتٸلٸگٸ بار ازاماتتارعا ارنالعان ينكليۋزيۆتٸ سپورتتىق-وڭالتۋ ورتالىعى سالىنۋدا. جالپى اۋماعى 3 600 شارشى مەتر بولاتىن ورتالىقتا باسسەين, ترەناجەر زالى, سپورت جەنە جەكپە-جەك زالدارى, بەيٸمدەۋ جەنە وڭالتۋ ايماقتارى, سونداي-اق مەديتسينالىق كابينەت جۇمىس ٸستەيتٸن بولادى.
فوتو: سامۇرىق-قازىنا
بٷگٸندە قوردىڭ قولداۋىمەن ەلٸمٸز بويىنشا 19 سپورت نىسانى پايدالانۋعا بەرٸلگەن. بيىل تاعى 11 سپورت كەشەنٸنٸڭ قۇرىلىسى باستالدى.
2026 جىلى «سامۇرىق-قازىنا» اق ٶزٸنٸڭ 20 جىلدىق مەرەيتويىن اتاپ ٶتەدٸ. وسى ۋاقىت ٸشٸندە قور اكتيۆتەردٸ باسقارۋمەن قاتار قوعام ٷشٸن ماڭىزدى باستامالاردى قولداپ كەلەدٸ. 2016 جىلدان بەرٸ قور كومپانييالارى توبىنىڭ قايىرىمدىلىق باعدارلامالارىنىڭ بٸرىڭعاي وپەراتورى – «Samruk-Kazyna Trust» ارقىلى جالپى قۇنى 120 ملرد تەڭگەدەن اساتىن 430-دان استام ەلەۋمەتتٸك جوبا جٷزەگە اسىرىلدى.
