جاڭا سالىق ەرەجەلەرٸ قازاقستاننىڭ قۇرىلىس سالاسىنان جەكە كەسٸپكەرلەردٸڭ جاپپاي كەتۋٸنە سەبەپ بولۋدا. قولدانىستاعى زاڭنامالىق شەكتەۋلەرگە بايلانىستى ٸرٸ قۇرىلىس كومپانييالارىنا جەڭٸلدەتٸلگەن سالىق رەجيمٸمەن جۇمىس ٸستەيتٸن مەردٸگەرلەردٸ تارتۋ قارجىلىق تۇرعىدان تيٸمسٸز بولىپ قالدى, دەپ حابارلايدى Ult.kz «31 ارناعا» سٸلتەمە جاساپ.
نارىق قاتىسۋشىلارىنىڭ مەلٸمەتٸنشە, سوڭعى بٸر جىلدا قۇرىلىس سەكتورىنداعى جەكە كەسٸپكەرلەر سانى شامامەن 11%-عا ازايعان. بۇل ەڭ الدىمەن بۇرىن ٸرٸ دەۆەلوپەرلەرگە كەلٸسٸمشارتپەن قىزمەت كٶرسەتٸپ كەلگەن تار بەيٸندٸ ماماندار مەن شاعىن بريگادالارعا — سىلاقشىلارعا, بوياۋشىلار مەن مونتاجداۋشىلارعا كەرٸ ەسەرٸن تيگٸزدٸ.
مۋمكٸندٸكتٸڭ شەكتەلۋٸنە قۇرىلىس كومپانييالارىنىڭ كورپوراتيۆتٸك تابىس سالىعىن (كتس) ەسەپتەۋ كەزٸندە جەڭٸلدەتٸلگەن رەجيمدەگٸ مەردٸگەرلەردٸڭ شىعىندارىن بۇرىنعىداي تولىق كٶلەمدە شەگەرٸمگە ۇستاي الماۋى سەبەپ بولىپ وتىر. قازاقستان قۇرىلىسشىلار وداعى پرەزيدەنتٸنٸڭ ورىنباسارى ۆياچەسلاۆ لازارەۆتٸڭ باعالاۋىنشا, كەيبٸر كومپانييالاردا مۇنداي كەسٸپكەرلەردٸڭ ٷلەسٸ 50%-عا دەيٸن جەتەتٸن. نەتيجەسٸندە قوسىمشا سالىقتىق اۋىرتپالىق قۇرىلىس-مونتاجداۋ جۇمىستارىنىڭ ٶزٸندٸك قۇنىن ورتا ەسەپپەن 10–15%-عا قىمباتتاتىپ جٸبەردٸ.
قالىپتاسقان جاعداي تٷپكٸلٸكتٸ ساتىپ الۋشىلاردىڭ قالتاسىنا بٸردەن سالماق تٷسٸردٸ: جىل باسىنان بەرٸ ەلٸمٸزدە باسپانانىڭ بٸر شارشى مەترٸ 13%-دان استام قىمباتتادى.
سالا ساراپشىلارى تىعىرىقتان شىعۋ ٷشٸن قۇرىلىس سالاسىنداعى جك-لاردىڭ ارنالعان بٶلەك ارنايى رەجيم ەنگٸزۋدٸ ۇسىنۋدا. دەگەنمەن, جىلجىمايتىن مٷلٸك جٶنٸندەگٸ ساراپشى الەكساندر پاكتىڭ پٸكٸرٸنشە, تٸپتٸ سالىقتىق جەڭٸلدٸكتەر بەرٸلگەننٸڭ ٶزٸندە پەتەر باعاسى ارزاندامايدى, تەك ونىڭ ارى قارايعى ٶسۋ قارقىنى بەسەڭدەۋٸ مٷمكٸن. تالداۋشىلار جىل سوڭىنا دەيٸن تۇرعىن ٷي باعاسى ينفلياتسييا دەڭگەيٸنە ساي ٶسۋٸن جالعاستىرادى دەپ بولجاپ وتىر.
