پرەمەر-مينيستر باقىتجان ساعىنتاەۆ پرەزيدەنتتٸڭ بەس ەلەۋمەتتٸك باستاماسىنىڭ بٸرٸ – جاڭا يپوتەكالىق باعدارلامانى جٷزەگە اسىرۋ بويىنشا ٷكٸمەت مٷشەلەرٸنە بٸرقاتار تاپسىرما بەردٸ, دەپ حابارلايدى Sputnik قازاقستان.
"بٸرٸنشٸ باستاما — ەربٸر وتباسىنا باسپانا الۋدىڭ جاڭا مٷمكٸندٸكتەرٸن بەرۋ. بۇل ٷشٸن ۇلتتىق بانك ارنايى ۇيىم قۇرۋ ارقىلى جاڭا يپوتەكالىق "7-20-25" باعدارلاماسىن دايىندايتىن بولادى. ونىڭ نەگٸزگٸ شارتى, ەلباسى اتاپ كٶرسەتكەندەي, نەسيە ٶسٸمٸنٸڭ مٶلشەرلەمەسٸ جىلىنا 7 پروتسەنتتەن, باستاپقى جارناسى 20 پروتسەنتتەن اسپايتىن بولادى. نەسيە مەرزٸمٸ 25 جىلعا دەيٸن", — دەدٸ ساعىنتاەۆ بٷگٸن ٷكٸمەت وتىرىسىندا.
ٷكٸمەت باسشىسى اتاپ ٶتكەندەي, جاڭا باعدارلاما كٶپتەگەن قازاقستاندىق ٷشٸن تۇرعىن ٷيدٸڭ قولجەتٸمدٸ بولۋىن قامتاماسىز ەتەدٸ.
"ينۆەستيتسييالار جەنە دامۋ, ۇلتتىق ەكونوميكا, قارجى مينيسترلٸكتەرٸ مەن "بەيتەرەك" حولدينگٸ اتالعان جۇمىستارعا كٸرٸسۋٸ تيٸس. جاڭا يپوتەكالىق باعارلامانى ٸسكە اسىرۋ تۇرعىن ٷي قۇرىلىسىنا جەنە وعان جاقىن سالالاردىڭ جۇمىسىنا تىڭ سەرپٸن بەرەدٸ. سوندىقتان بۇعان وتاندىق قۇرىلىس ماتەريالدارىن ٶندٸرۋشٸ كومانييالاردى بەلسەندٸ تٷردە تارتۋ كەرەك. يپوتەكالىق باعدارلاما بويىنشا جاۋاپتىلار — ۇلتتىق بانك, ٷكٸمەت تاراپىنان ينۆەستيتسييالار جەنە دامۋ مينيسترٸ جەڭٸس قاسىمبەك. اسقار ۇزاقبايۇلى (پرەمەر-مينيستردٸڭ بٸرٸنشٸ ورىنباسارى اسقار مامين) سٸزدٸڭ باقىلاۋىڭىزدا", — دەدٸ ٷكٸمەت باسشىسى.
ايتا كەتسەك, كەشە ەلباسى نۇرسۇلتان نازارباەۆ «"پرەزيدەنتتٸڭ بەس ەلەۋمەتتٸك باستاماسى" اتتى حالىققا ٷندەۋٸن جارييالادى.
