بٷگٸن ٷكٸمەتٸنٸڭ وتىرىسىندا قر پرەمەر-مينيسترٸ باقىتجان ساعىنتاەۆ مالمەن كٷن كٶرٸپ وتىرعان اۋىل حالقىنا جٷيەلٸ قولداۋ كٶرسەتۋدٸ تاپسىردى. بۇل تۋرالى قازاقپارات جازدى.
«نەگٸزٸنەن اۋىلدىڭ حالقى - ەڭبەكقور حالىق. ەسٸگٸنٸڭ الدىندا بەس-التى تەلٸم جەرٸندە مالى بار. تاڭ اتقاننان, كەش باتقانعا دەيٸن قىبىرلاپ جۇمىسىن جاسايدى. سول سەبەپتەن وسى ەڭبەگٸن ارى قاراي جالعاستىرۋ ٷشٸن ولارعا تولىعىمەن مٷمكٸندٸكتەر بەرۋ كەرەك. ول بٸرٸنشٸدەن, قارجىلاي كٶمەك, جاڭا اتاپ ٶتتٸك, ميكرونەسيەلەر بەرٸپ, جۇمىس ورىندارىن اشۋ, قاجەتتٸ مالىن قوسىمشا ساتىپ الۋ, ينفراقۇرىلىم جاعىنان كٶمەك كٶرسەتۋ, ٶندٸرگەن ٶنٸمٸن ارى قاراي ٶڭدەۋشٸ كەسٸپورىندارعا جەتكٸزۋ, ياعني جان-جاقتى قولداۋ كٶرسەتۋ. ۇيىمداستىرۋشىلىق جاعىنان دا كٶپتەگەن كٶمەكتەر قاجەت. ەكٸمدٸكتەر تاراپىنان دا ەدەۋٸر كٶمەك كٶرسەتٸلۋ تيٸس», - دەدٸ ٷكٸمەت باسشىسى.
ب.ساعىنتاەۆتىڭ ايتۋىنا قاراعاندا, اۋىل شارۋاشىلىعى كووپەراتيۆتەرٸن دامىتۋ ماقساتىندا سالىق مەسەلەلەرٸن شەشۋ قاجەت.
«سالىق سالاسىنان كٶپتەگەن كەدەرگٸلەر بولاتىن بولسا, ەرينە, قويىلعان جوسپار ٸسكە اسپايدى. بەرٸلگەن تاپسىرما ورىندالمايدى. سول سەبەپتەن اۋىل شارۋاشىلىعى مينيسترلٸگٸ ۇلتتىق ەكونوميكا مينيسترلٸگٸمەن بٸرلەسە وتىرىپ, ايتىلىپ وتىرعان مەسەلەلەردٸڭ بارلىعىن بٸرجاقتى شەشٸمگە كەلتٸرۋٸ قاجەت. كەزٸندە اشم تاراپىنان كٶپ جۇمىس جاسالعان بولاتىن. مىسالى, ەر ٶڭٸردە ٶزٸنٸڭ ماماندانعان سالالارىن جاساۋ جٶنٸندە. ەر ٶڭٸردە قۋاتتىڭ جٷكتەمەسٸ قانشالىقتى جۇمىس ٸستەپ تۇرعانى, قانشا پايىز ٸستەپ تۇر, ونىڭ بارلىعى بويىنشا مەلٸمەتتەر جاسالعان, ونى بٸز دە, ٶڭٸردەگٸ ەكٸمدەر دە جاقسى بٸلەدٸ, وسىعان بايلانىستى بٸر جٷيەگە كەلتٸرۋ جۇمىسىن جالعاستىرۋ قاجەت, اسقار يسابەكۇلى (قر پرەمەر-مينيسترٸنٸڭ ورىنباسارى - اۋىل شارۋاشىلىعى مينيسترٸ اسقار مىرزاحمەتوۆ) وسى جۇمىستى ٶزٸڭٸز قولعا الىپ, باقىلاۋدى كٷشەيتۋدٸ سۇرايمىن», - دەپ تاپسىردى پرەمەر-مينيستر.
ايتا كەتەيٸك, ٷكٸمەت وتىرىسىندا اۋىل حالقىن ميكرونەسيەمەن قامتۋ جەنە اۋىل شارۋاشىلىق كووپەراتيۆتەرٸن قۇرۋ جايى سٶز بولدى.
وسىلايشا, ەكٸمدٸكتەر ماقۇلداعان جوسپارلارعا سەيكەس اعىمداعى جىلدىڭ سوڭىنا دەيٸن 150 اۋىل شارۋاشىلىعى كووپەراتيۆٸ ۇيىمداستىرىلادى. ولار 100 سٷت قابىلداۋ پۋنكتتٸن جەنە 2 مىڭنان استام وتباسىلىق بورداقىلاۋ الاڭىن بٸرٸكتٸرەتٸن بولادى.
بۇدان بٶلەك, جەكە قوسالقى شارۋاشىلىقتار مەن اۋىل شارۋاشىلىعى كووپەراتيۆتەرٸن قولداۋعا باعىتتالعان قارجىلىق قۇرالدار مەسەلەسٸ دە كٶتەرٸلدٸ. جاڭا قارجىلىق قۇرالدار ەڭ الدىمەن, اۋىل شارۋاشىلىعى كووپەراتيۆتەرٸن دامىتۋعا باعىتتالعان. اتاپ ايتقاندا, ىنتىماق - اۋىل شارۋاشىلىعى كووپەراتيۆتەرٸن دامىتۋ, يگٸلٸك - اۋىل شارۋاشىلىعى مالدارىن ٶسٸرۋ, بٸرلٸك - سٷت قابىلداۋ پۋنكتتەرٸن قۇرۋ, بەرەكە - وتباسىلىق بورداقىلاۋ الاڭدارى.
ٶز كەزەگٸندە, اتالعان ماقساتتار ٷشٸن ٷكٸمەت بۇعان دەيٸن 31,8 ملرد. تەڭگە قاراجات بٶلگەن ەدٸ.
«اۋىل شارۋاشىلىعى كووپەراتيۆتەرٸنٸڭ ميكرونەسيەلەرگە قول جەتٸمدٸلٸگٸن قامتاماسىز ەتۋ ٷشٸن جقج-2020 بەكٸتۋ بويىنشا ٷكٸمەت قاۋلىسىنا بٸر مەزەتتە بەرٸلەتٸن نەسيە مٶلشەرٸن 16 ملن-عا ارتتىرۋ جەنە نەسيەلەندٸرۋ مەرزٸمٸن 7 جىلعا دەيٸن ۇزارتۋدى قاراستىراتىن تولىقتىرۋلار ەنگٸزٸلۋدە», - دەپ اتاپ ٶتتٸ اۋىل شارۋاشىلىعى ۆيتسە-مينيسترٸ قايرات ايتۋعانوۆ.
