"روسكوسموس" كورپوراتسيياسىنىڭ ٶكٸلٸ يگور بۋرەنكوۆ SpaceX كومپانيياسىنىڭ اسا اۋىر Falcon Heavy زىمىرانىنىڭ ۇشىرىلۋىن سەتتٸ جارناما اكتسيياسى دەپ اتادى. بۇل تۋرالى ول "ەحو موسكۆى" راديوستانتسيياسىنىڭ ەفيرٸندە مەلٸمدەدٸ, دەپ جازادى kaz.tengrinews.kz.
ونىڭ ايتۋىنشا, زىمىراننىڭ ۇشىرىلۋى Tesla ەلەكترموبيلدەرٸ اكتسيونەرلەرٸنٸڭ جيىنى قارساڭىندا ەدەيٸ قابىلدانعان شەشٸم. بۋرەنكوۆ Tesla كومپانيياسىنىڭ 2017 جىلدىڭ ٷشٸنشٸ ماۋسىمى قورىتىندىسى بويىنشا 620 ميلليون دوللار شىعىنعا باتقان قارجى كٶرسەتكٸشتەرٸنە توقتالدى.
"بيزنەسپەن جاقسى اينالىساتىن, ٶز كەسٸبٸنە قوسىمشا ينۆەستيتسييا تارتۋعا مٷددەلٸ جەكە كومپانييالار بار. وسىعان وراي ولار تٷرلٸ پرومواكتسييالار ۇيىمداستىرادى. بايقاساڭىزدار, بۇل زىمىران جەي عانا ۇشىپ قويعان جوق, كٶلٸكپەن بٸرگە ۇشىرىلدى", - دەپ كەلتٸرەدٸ ربك "روسكوسموس" ٶكٸلٸنٸڭ سٶزٸن.
جٷرگٸزۋشٸنٸڭ يلون ماسك ەلەكترموبيلٸن جارنامالادى ما دەگەن سۇراعىنا سۇحباتتاسۋشى "تاياۋدا كەزەكتٸ جيىندارى ٶتەدٸ, بۇل شارۋانى تەزٸرەك ىڭعايلاۋ كەرەك دەگەن سٶز, ال Tesla جاعدايى مەز ەمەس, مۇنى بەرٸ بٸلەدٸ" دەپ جاۋاپ بەردٸ. سونداي-اق, ول زىمىران ۇشىرىلۋىن "ٶتە جاقسى ەدٸس" دەپ اتادى.
ەسكە سالايىق, 6 اقپاندا امەريكالىق ميللياردەر ەرٸ ٶنەرتاپقىش يلون ماسكتىڭ SpaceX كومپانيياسىنىڭ جاڭا قۋاتتى Falcon Heavy زىمىران-تاسىعىشى سەتتٸ ۇشىرىلعان ەدٸ. بورتتا Tesla Roadster سپورتتىق كٶلٸگٸ بولدى. زىمىران-تاسىعىش استانا ۋاقىتى بويىنشا ساعات 2.45-تە فلوريدا شتاتى كاناۆەرال عارىش ايلاعىنان ۇشىرىلدى.
جوسپار بويىنشا, Tesla مارس پەن جەردٸڭ گەليوتسەنتريكالىق وربيتاسىنا جەتكٸزٸلۋٸ تيٸس ەدٸ. الايدا ەسەپتەۋلەردەگٸ قاتەلٸكتەن ەلەكترموبيل وربيتادان شىعىپ كەتٸپ, مارس پەن يۋپيتەر اراسىنداعى استەرويدتار بەلدەۋٸنە قاراي ۇشىپ كەتتٸ.
Falcon Heavy ۇشىرىلۋىن كٶپشٸلٸگٸ تاريحي وقيعا ەرٸ كوسموناۆتيكاداعى جاڭالىق دەپ باعالاعان. مامانداردىڭ ايتۋىنشا, جاڭا زىمىران از قاراجاتپەن وربيتاعا كٶپتوننالىق جٷكتەردٸ شىعارۋعا مٷمكٸندٸك بەرەدٸ.
ايتا كەتەيٸك, Falcon Heavy Falcon 9 بازاسىندا جاسالادى. ول باسقارىلاتىن Dragon V2 كەمەسٸنە تاسىمالداۋشى بولادى, ونىمەن عارىشتىق تۋريستەر اي وربيتاسىمەن ۇشىپ ٶتەدٸ. سونىمەن قاتار, راكەتا مارسقا ماسكتىڭ جەكە كٶلٸگٸ Tesla Roadster-دٸ جٸبەرەدٸ. تاسىمالداۋشى 63,8 توننا جٷكتٸ جەتكٸزە الادى, ونى ۇشىرۋدىڭ قۇنى - 90-120 ميلليون دوللار.
